المساعد الشخصي الرقمي

مشاهدة النسخة كاملة : فكـرة جديـدة

نور الصباح
05-11-2002, 03:12
واحد زنجي ماسكينه جماعة أمريكية وعم بيغوصه في البحر الأبيض وبيطلعوه تاني

فكركم ليش؟
تفا حه
05-11-2002, 08:03
انا عم اقول مشان سببين الا وهما

اولااااااااااااااااااااااااااااا . مشان يصير ابيض من البحر :D

تا ني شيء يمكن عشان يكون طعم لصيد الا سماك :D

يلاااااااااااااااااااااا بااااااااااي :)
نور الصباح
05-11-2002, 23:30
طبعا ما راح يكون أبيض من بحرنا يا تفاحة

بس هم عم يعملوا دعاية لشاي ليبتون:) :)

في واحدة من عيادات البلد بسأل المريض الدكتور ((أنا كل ما أشرب الشاي بحس أنا عيني بجعوني و كأنه شي صابهم؟))
الطبيب : مش قلتلك قبل كدي تشيل المعلقة من الكباية .


بايخة ما هيك؟:rolleyes:
مالك الحزين 77
06-11-2002, 14:57
لا والله يا نور الصباح حلوة مو بايخة وإذا عندك كمان هات :D :D :D
تفا حه
06-11-2002, 19:58
ولووووووووووووووووووووووو نور والله كتير حلوووووووه متل ما قال إلك

فراس :D وفي انتظار المزيد منك وإلك تحياتي ;)
هــــيام
07-11-2002, 03:35
اهلين نور الصباااح



حلووووووووووه بتجنن:D

وعلى قوله فرااس اذا عندك كمااان هااااات


واتمنى اشوف مشاركاتك...


يعطيك العاافيه نور




تحياتى

هيااام
نور الصباح
08-11-2002, 18:18
بس هيك حكيتوني بموقف محرج اذ من الصعب لاقي هالنكت الي فعلا بتستحق اني أهديها لهيك ناس خلوقين مثل تفاحة ,مالك , الفنانة هيام يالي صنع صورة بتجنن فعلا
مالك الحزين 77
04-12-2002, 17:19
ولو يا نور الصباح إنت قدها وقدود وأنا واثق فيك:D
نور الصباح
06-12-2002, 12:04
ذهبت فتاة شقراء إلى الطبيب وأذناها محمرتان، ولما سألها الطبيب عما حدث قالت: كنت أكوي قميصاً عندما دق جرس الهاتف، وبدلاً من أن أرفع سماعة الهاتف إلى أذني رفعت المكواة فاحترقت أذني. قال الطبيب: وماذا حدث للأذن الأخرى؟ قالت: الأحمق اتصل مرة أخرى

فيه وحدة راحت تخطب لابنها سألتها العروس "ابنك بيدخن" ؟ قالت العجوز " والله ما أظن بس يمكن لما بيكون سكران يدخن"


السيده للخادمه:اسمعي قبل ما تنامي .. إحنا نفطر الساعة ثمانية الصبح الخادمه:ماشي .. وان ما صحيت انا .. لا تنتظروني
مالك الحزين 77
06-12-2002, 20:50
حلوة من يا نور الصباح يا ريت تبعث لنا مثل هذه الخادمة لأنها لقطة
نور الصباح
08-12-2002, 17:13
بس أنتم متى ميعاد افطاركم؟
مالك الحزين 77
09-12-2002, 07:20
أنا أفطر الساعة 8 صباحا قبل الذهاب إلى الوظيفة
وانت :o
مساعد
09-12-2002, 23:10
نور الصباح ..

:D :D :t1 :D :D

الف الف الف شكر على هذه النكت ..

نترقب جديدك .. وبكل صراحه حلوووووه رفعت المكواه .. ودعاية الشاي

:p :p :p

ومشكوووووووووووووووووووووور ..[SIZE=3][COLOR=red]
نور الصباح
11-12-2002, 16:39
الصعيدي:الأتوبيس دا رايح فين
السواق: رايح الجامعة
الصعيدي: الله يوفقه.

واحد بيسأل صاحبة الأصلع
شو اللي كنت تتمناه وأنت صغير وتحقق معك؟
الأصلع: لما كنت صغير وكانت أمي تأدبني وتشدني من شعري كنت بتمنى لو مليش شعر.

الست بتسأل جوزها: أنت بتبص للمراية ليه وأنت مغمض
الزوج: بدي شوف حالي وأنا نايم.
مالك الحزين 77
12-12-2002, 06:09
ها ها ها حلوة يا نور الصباح الله يوفقك بالجامعة مثل ما يوفق الاوتوبيس
إذا عندك شي طازج هات ما قلتلي شولن شو اخبار الآن وشلون دراستك
طمني عن المادي اللي قدمتها وانت تحل مسألة الليرات الذهبية
:o :o :o :o
نور الصباح
12-12-2002, 07:32
لا اطمن ربنا ستر هالمرة اجيت الأسئلة مباشرة وخلصت منها بنص الوقت لأفضى للسؤال الأكثر تعقيدا .
بعدين لو كانت المادة مستاهلة التعب فعلا ما كنت سهرت قبلها بيوم في المنتدى ولا شو رايك؟
*******************************************
سيد مساعد أسعدني ردك كثيرا .
وثناءك على مثل هيك نكت شهادة أعتز فيها.
قلي
طب شو رايك في هيك دعاية للبتون قديه ممكن يدفعولي عليها؟:rolleyes:
نور الصباح
12-12-2002, 07:34
لا اطمن ربنا ستر هالمرة اجيت الأسئلة مباشرة وخلصت منها بنص الوقت لأفضى للسؤال الأكثر تعقيدا .
بعدين لو كانت المادة مستاهلة التعب فعلا ما كنت سهرت قبلها بيوم في المنتدى ولا شو رايك؟
بس السؤال يالي راح يعقدني شو أخرة السواق بتاع القصب لسا عايش أصله بقاله أكتر من شهر على هالحال ما وصلته النار بعد؟
*******************************************
سيد مساعد أسعدني ردك كثيرا .
وثناءك على مثل هيك نكت شهادة أعتز فيها.
قلي
طب شو رايك في هيك دعاية للبتون قديه ممكن يدفعولي عليها؟:rolleyes:
xzxz
12-12-2002, 09:09
يعطيك العافية ......................


ولكن هناك تعليق بسيط اذا سمحتلي أخوي .............


قد تكون افهم مني واعرف وقد تكون احسن مني خلقا ولكن اخي الحبيب


حبذا لو نذكر الطرفة ( النكته ) دون المساس فيها بمشاعر الاخرين

كصعيدي مثلا ....... اخوي اكرر تقبل مني وجهة نظري بصدر رحب

ولك وللقراء فائق الاحترام ............
مالك الحزين 77
12-12-2002, 10:26
شلون ما اهتم مو إنت صديقي بعدين بدك تروَِح علينا الحلوان

------------------------------------------------------------------------------------------

الغالي X Z X Z :
في كل منطقة من مناطق العالم يوجد فئة من الناس لا يكون موضع سخرية وإنما دمهم خفيف تلبق لهم النكت ففي مصر الصعيدي وفي سورية الحمصي وهكذا وصدق أني مرة جلست مع حمصي أشبعني ضحكا من النكات على اهل حمص مع ان أعلى نسبة ثقافة وذكاء في سورية هي في المجتمع الحمصي وكل هذه النكت هي من باب المداعبة أنا من إدلب وهناك نكت علينا أهل إدلب وعلى اهل حلب وعلى الشام وعلى اهل البادية ولكل منطقة طابعها ولكن لا بد أن تغلب شعبية فئة على فئة خصوصاً إذا كانت نكاتها ظريفة وخفيفة وأرجو أن لا تكون حمصياً او صعيدياً وإلى اللقاء لا تزعل مني أنا بحبك
نور الصباح
15-12-2002, 19:19
أخي xzxz تأكد أني كنت حريص كل الحرص أني ما أقع في مطبات مثل هاي وتأكد أني ما قصدت السخرية على الصعايدة ولا أي فئة من الناس وبجدد أسفي لكل واحد تأذى من هالنكتة .
*****************************************
مالك الحزين مش عارف شو بدى أحكيلك أنت فعلا غمرتني بكرمك ونبلك - بس أنا بصراحة مللت من تكراري لهيك عبارات شكر - مش لأنك ما بستحقها لأني حاسس أنه مثل هيك عبارات ما بيجي شي قبال نبلك ياها
أما عن الحلوان فشو رايك بهالنكت
**في أحد البلدان التعيسة المتخلفة ضوت براس الوزير فكرة فحب يحكيها للرئيس
الوزير: شو رايك سعادتك لو خلينا بلد متقدم يستعمرنا ويحسن من وضعنا ويبنيلنا المدارس والمستشفيات وبعدين نطردهم ونثور عليهن؟
الرئيس: وكيف بدنا نخليهن يستعمرونا يا فصيح؟
الوزير: الطيارتين اللي عنا بنبعثهن لبلد متطور مثل أمريكا بعدين بتغزونا بحجة محاربة الإرهاب.
الرئيس: طب شو ولو الطيارتين اللي بعتناهن قدروا يغزوا أمريكا واحتلناها؟
*** رئيس كتيبةعسكرية بيستعرض الوفد الجديد
مر على الأول": شو اسمك
عبد الجبار سيدي
وشو ياللي بتحملها هاي
عبد الجباي : برودتي سيدي
القائد: لا هاي زوجتك وشرفك وعرضك هاي شو؟
عبد الجبار : زوجتي سيدي.
مر على الثاني: شو هاي اللي في ايدك
الثاني: زوجة عبد الجبار سيدي.
****
تفا حه
16-12-2002, 00:17
ولك شو هلنكتة إلي عم تجنن نور الصباح كتير حلوووووووووووه والله

هاي زوجة عبد الجبار هههههههههههههه جنان والله :D