,؛,{{ صباحو قشطه على الستات الكشرة + كاريكاتير }},؛,

[smsm judo]

http://www.l22l.com/l22l-up-3/647712f4ce.gif

السلام عليكم ورحمة الله وبركاته

الضحكة فى وجه أخيك صدقة فما بالك لو كانت فى وجه زوجك
أكيد ستكون عند الله أكثر من كده بكثير
صحيح أن الضحك أصبح شحيح فى هذه الأيام لعوامل أقتصادية
وسياسية وييئية وغذائية وصحية وبلاوى تانيه كتير مقندله بنيله
لكن لم يتبقى لنا غير الضحك
يقول المثل أن شر البلية ما يضحك
فنحن الشعب الوحيد فى العالم الذى يمتلك رصيد هائل من النوادر والنكت
والتعليقات الساخرة لمختلف الشخصيات التى نصادفها فى حياتنا اليومية
لنخفف عن أنفسنا مرارة القهر الذى عشناه منذ عصور بعيدة تضرب فى القدم
وبعد هذه المقدمه ندخل فى الموضوع قبل ما تتفقع مرارتنا
المرأة مخلوق لطيف وجميل ونبع من الحب والحنان
وعندما يتحول هذا الينبوع إلى بحر من العكننة والقريفة والنكد تصبح حياتك هباب فى هباب خاصة لو كانت هذه المرأة زوجتك أو رئيستك فى العمل أو موظفة لك عندها طلب فى مصلحة حكومية
غير النوعيات النى نصادفها من مختلف المهن فمنهم الطبيبات والمهندسات والمدرسات والمحاميات والقاضيات وستات البيوت...ألخ ألخ ..سؤال غالبا ماأسئله لنفسى
هل التكشير فى الستات مرتبط بالجمال ؟؟
أقول مش شرط ممكن تكون الست يعنى حلاوتها مش قد كده ولاتملك أى مؤهل للجمال أنما عليها خفة دم زى العسل تجذب أجدعها راجل ليحادثها
ويصطبح بيها
صحيح أن أعدائها من الستات الأكثر منها جمالا وواخدين قلم فى نفسيتهم
ويظنون أن الجمال يحب الألاطة فأنهم يطلقون على صاحبة الدم الخفيف والروح الحلوة المثل أللى بيقول ( ياوحشة كونى نغشة )
طيب بالذمة ما ينفعش نقول ياحلوة كونى نغشة .. حقيقى الحلو مايكملش
فالواحد ممكن يصادف ستات وأنسات فى منتهى الجمال والأناقة لكن الكثيرات منهم زى الكبة الراسخة على القلب تمثال جميل بلا روح
أما التكشيرة فهى مرتبطة دائما بالستات الحلوين
أما الستات النص نص والربع ربع فنادرا ما تجد فيهم المكشراتيه
مش حيبقى وحاشة ومعاها خلقة مقلوبه تبقى نصيبة سوداء
وللأسف فيه نوعيات بالشكل ده موجوده فى داخل بيوتنا وبين جيراننا وفى العمل
الأشكال دى تبقى عايزه الحرق لأنها لاتملك لا مؤهلات طبيعية ولا روحية
بالأضافة إلى الرزالة والغلاسة والتكشيره وطولة اللسان
الرسول عليه الصلاة والسلام قال أستسمحوا الوجوه
فنصيحتى لكم أيها الرجال الطيبون ألا تنخدعوا بحلاوة الجميلات
ولا بوحاشة الدميمات ولا بثراء المرأة ولا بحسبها ونسبها
أبحث عن الروح الجميلة الطيبة التى تملء حياتك بهجة وسرور
وصباحو طين على الستات الملاعين
يتبع

منـــقول

[smsm judo]

عندما ترسم الست التكشيرة على وجهها
ينعقد الحاجبين..وتجحظ العينان..وتزم الشفتان

http://up.stop55.com/upfiles/Gc816263.gif

يتبع

[smsm judo]

تستاهـــــــل


سأحكى لكم تجربة واحد قريبى..شاب طول وعرض وأناقة ومركز ومن عيلة محترمه يملك كل مؤهلات العريس اللقطه
طق فى دماغه أن يتأهل فكلف الأهل والأصدقاء للبحث له عن عروسة
فتبارى الجميع فى ترشيح بنات العائلا ت الجميلات المتعلمات
فقام بمعاينة وزيارة أكثر من 50 عروسه وكن جميعا لايحزن القبول لديه .. فهذه وحشة وتلك تخينة وأخرى ناشفة ومعصعصة وتلك بيئة
وخد عندك لم يترك واحدة ألا أوجد فيها عيب بالرغم أن الكثيرات مما عرضن عليه بنات زى الفل ما يتعيبوش !!
وأستمر على هذا الحال يخطب ويسيب ويتعلل بحجج فارغة كثيرة
قول قعد على الحال ده كتير بتاع 15- 17 سنة حتى يأس منه الأهل والأصدقاء بما سببه لهم من أحراج فتخلى الجميع عنه وما عاد أحد يتصدر له
كبر فى السن ودخل على 46 سنه ولم يتزوج وعنده شقه بها كافة الأثاث
وعربية ومبلغ كبير فى البنك
حتى صادف فى عمله أحد زملائه فى الدراسه وعرف منه مشكلته فى الزواج بعد أن هبطت أسهمه فى الحصول على المواصفات التى رسمها فى دماغه وأصبح يقابل بالرفض من الكثيرات لفارق السن وتاريخه الأسود فى الفك والأرتباط عندما يسأل عليه أهل العروسة
وأصبح يقدم التنازلات تلو التنازلات
مش مهم حلوة ممكن تكون مقبوله مش مهم من عيلة فكلنا فى الأصل ولاد حواء وآدم مش لازم تكون جامعية ممكن تكون معها أعدادية أو حتى شهادة محو الأمية 00ألخ
فقال له زميله : طلبك عندى..هى صحيح مش حلوه قوى لكن مقبوله
قال : مش كل حاجه الحلاوة
قال زميله : هى أتخطبت بتاع خمس ست مرات طبعا دول مايجوش حاجة جنب أللى أنت خطبتهم بعدد شعر رأسك
قال : مش مهم... الجواز قسمة ونصيب
قال زميله : هى يتيمة الأب والأم وترضى بقليله ومؤدبه ومتدينه ومستعدة للمشاركة معك فى تكاليف الزواج
قال : عال( لايمنى) بها الله يكرمك
قال زميله : أنتظر لتسمع بقية المواصفات
قال : مفيش أحسن من كده
قال زميله: علشان أبقى خلصت ضمير هى عندها 35- 37-39 سنة مش عارف بالظبط..وكمان علشان تبقى عارف هى أخت المدام
فكر ورد عليا
قال : طالما هى أخت المدام يبقى مافيش تفكير على خيرة الله00 أقدر أشوفها أمتى ؟
قال زميله : بكرة لو حبيت !!
قال : هذا جميل فى رقبتى لن أنساه لك طول العمر- ثم أحتضنه وباسه
على موعد اللقاء بالعروسة بعد المغرب فى بيت زميله
يتبع

[smsm judo]

الوش البلاستيك مصطلح يطلق على التكشيرة المصطنعة
لتكون تحت الطلب
تلجأ إليها الكثيرمن الستات
عندما لاتلبى طلباتهم

http://up.stop55.com/upfiles/vW917064.gif


يتبع

[moni2]

:g1

ههههههههههههه ماشي

متابعة يا هيثم

بس خلي بالك عالنسوان

ههههههههههههههه

[أميرة الورد]

خخخخخخخخخخخخخخخخخ حرب على النسوان الكشرة ههههههههههه
اسلوبك فوق الوصف يا هيثم ..
يلا دير بالك .. نحن في ترقب .. شكل اخونا راااح يتورط مع الوجه البلاستيك ..

في الانتظار .. :)

[Salamat]

عندما ترسم الست التكشيرة على وجهها
ينعقد الحاجبين..وتجحظ العينان..وتزم الشفتان

http://up.stop55.com/upfiles/Gc816263.gif



ياستار استر يا رب هو احنا ناقصين يا عم شو لينا حاجة تفرفش

[هادي الـــرياض]

:eek::eek:

هههههههههههههههه

يمّه يعني نصرف نظرنآ عن الزوآج؟؟vv

هههههههههههههههههآآآي

هذا ضد الزوآج

مووضووعكـ جميل يآ جميل bxx6

[إشراقه]

ههههههههههههه

الموضوع اكثر من راع بجد سمسم

فى انتظار المزيد يمكن الستات دول يغيرو رأيهم فى النكد

b2

[smsm judo]

:g1

ههههههههههههه ماشي

متابعة يا هيثم

بس خلي بالك عالنسوان

ههههههههههههههه


ههههههههههههههههههه

ماشى ياميمو

لكن المره دى اوعى تنتظرى

انى اخلى بالى عليكم

ههههههههههه

[smsm judo]

خخخخخخخخخخخخخخخخخ حرب على النسوان الكشرة ههههههههههه
اسلوبك فوق الوصف يا هيثم ..
يلا دير بالك .. نحن في ترقب .. شكل اخونا راااح يتورط مع الوجه البلاستيك ..

في الانتظار .. :)

ههههههههههههههههه

انتظرى انتظرى

هتشوفى العجب

وفى حاجه فى الاخر تهمك

منوره

[smsm judo]

ياستار استر يا رب هو احنا ناقصين يا عم شو لينا حاجة تفرفش

ههههههههههههههههههه

ادخل الفرفشه

وادخل موضوع من اوراق زوج

وانت هتلاقى الفرفشه بعينها

منور

[smsm judo]

:eek::eek:

هههههههههههههههه

يمّه يعني نصرف نظرنآ عن الزوآج؟؟vv

هههههههههههههههههآآآي

هذا ضد الزوآج

مووضووعكـ جميل يآ جميل bxx6

اوعى اوعى ياهادى

تتزوج واحده كشره

انت واد فرفوش

ولو اتجوزت واحده نكديه

هتبقى عيشتك هباب

منور

[smsm judo]

ههههههههههههه

الموضوع اكثر من راع بجد سمسم

فى انتظار المزيد يمكن الستات دول يغيرو رأيهم فى النكد

b2

لا اتوقع يا شوشو

هيفضلو زى ماهما

النكديه هتفضل نكديه

ههههههههههههه

منوره

[smsm judo]

عريس الغافلة

(مبروك عليك يامعجبانى ياغالى عروستك الحلوة قمر بيلالى )
دخل بيت صديقه وصوت الكاسيت يشدو بأغانى الأفراح..وبعد السلامات
جلس ينتظر فى الصالو ن يتناولون الجاتوه والعصائر لحين وصول العروسة من عند الكوافير
الكلام خلص وتحول إلى ترحيب 00منور ياعريس ..لأ ده نوركم ياجماعة
مر مايقرب من ساعتين ولم تصل العروس ..أحس صديقه بعلامات الملل التى ظهرت على العريس فقام يتحدث مع أختها لتطلبها بالتليفون فى محل الكوافير ..ومرت نصف ساعة أخرى لتدخل العروس وهى تحمل صنية وعليها الشربات
أنعقد لسان العريس عند رؤيتها .. وتوقف الكلام وأصبح يصدر أصوات وهمهمات غير مفهومه فقد نزل عليه سهم الله من منظر العروس
صديقه :تعالى يا (دوسه ) أعرفك بالباشمهندس (خليل )
دوسه(0فى خجل مصطنع )أهلا وسهلا ..وجلست بجسمها الضخم على طرف الكرسى المجاور لخليل
خليل يبلع ريقه من هول المفاجأة 00العروسةمافيهاش حاجة حلوه بالمرة بالرغم أن الكوافير عمل المستحيل فالبدرة والكريمات لم تفلح فى أن تغطى بشرتها المجنزرة وشعرها الأكرت
(خلقتك شريفه يارب)
دار الحديث بطيئا مرتبكا فى البداية ولكن عم خليل أصبح يتجاوب معها بعد أن سمع صوتها الحنون وهى تقول له : أنا فى منتهى السعادة أنى عرفتك ياأستاذ خليل ..قالتها بنبرا ت حانية كلها دلع
عند ذلك أنسحب صديقه وزوجته من الصالون لأعطائهم فرصة للتعارف
دوسة ( وهى تسبل وتبربش عينيها )..كلمنى عن نفسك ياأستاذ خليل
خليل أنفكت عقدة لسانه وظل يحكى قصة حياته ومايملكه من أمكانيات
وسبب تأخر زواجه ومايأمله فى الزوجة من مواصفات
وهى تنظر أليه بشغف وهى تشجعه على الأستمرار فى الحديث
الله كلامك حلو ..ياعينى أنت أتعذبت كتير قوى ..ياروحى عليك
خليل : أنا قلت أللى عندى ..أحب أسمع رأيك
دوسة: مفيش بعد رأيك رأى يأستاذ خليل..قالتها وهى تنسحب للخلف فى خجل
خليل : عا يز أسمع طلباتك ( هذا هو السؤال التقليدى الذى يلقيةعلى كل عروسه يقابلها..ليجد المبررالكافى للهربان )
دوسه : أنا ماليش أى طلبات ..أنت تأمر وأنا عليا التنفيذ..المهم أنك تكون راضى وشوف أى حاجةناقصاك فى الشقة من العين دى قبل العين دى
خليل : ( أول مرة فى سجل تجاربه السابقة يسمع هذا الرد الجميل )
: على خيرة الله
تنطلق الزغاريد وخليل فى حالة ذهول
صديقه : مبروك ياخليل ..ألف مبروك يادوسة عايزنكتب الكتاب مفيش مانع من بكرة
دوسة : ماتستعجلش الأستاذ خليل ..أنا كمان عايزة وقت أجهزفيه نفسى
وأشوف أللى ناقص فى الشقة لأشتريه أعطينى 15 يوم على الأقل
أختها : لأ ..كتير قوى يادوسه كفاية أسبوع
دوسة : أللى تشوفيه يا أبله
صديقه : خير البر عاجلة
خليل : أنا مع رأى المدام كفايه قوى أسبوع
دوسة فى خجل سينمائى وهى تسلم على خليل..وهى تقول عايزه أشوفك بكرة من بدرى
خليل وقد أرتسمت الفرحة على وجهه وهو يردد فى نفسه مثل قالته له أمه قبل ماتموت
خذ يا حبيبى أللى بتحبك ..قرد مطاوع ولا غزال شارد
صدقتى يا مه ..من ناحية القرد فهى قرد

يتبع


/
\
/


خليل فى شهر العسل

[أميرة الورد]

خذ يا حبيبى أللى بتحبك ..قرد مطاوع ولا غزال شارد

متابعة ههههههههههههههههههههههههههههههههههه
يا ويلي على خليل صعب عليا اووووووي ..
هاي الرجلة الي مغمضة tt1

[Salamat]

نفس الحكاية لكل واحد
يعني نفس الفيلم والسيناريو لكل راجل انضحك علية
ياتري اية راح تكون النهاية يا عم خليل

[Dr.Hamzeh Malkawi]

خذ يا حبيبى أللى بتحبك ..قرد مطاوع ولا غزال شارد

تابعت الموضوع من أوله ، واللي زي خليل هاي نهايتهم الطبيعية ..
بتعرف أخ هيثم عجبني هالموضوع كثير
عبرة للجنسين
الجمال أكبر بكثير من أن يعرّف ويختزل بجمال الشكل ، فهناك جمال التفكير وسعة الأفق وخفة الدم والإبتسامة الصادقة الجميلة وجمال الروح وهنا يكمت تعريف الجمال الحقيقي بأن يجمع الإنسان مجموعة صفات ليقال فلانة أو حتى فلان جميلة أو جميل ..
ولاشك طبعاَ أن يكون التدين الصادق هو أصل الإختيار ...
بعتبر الموضوع بوصل أكثر من رسالة وعشان هيك كان ردي جاد ..

[ساحر مدينة أوز]

هههههههههههه

بسرعه يا هيثم

عايزين شهر العسل


منتظرينك يا عمنا


كل تقديري


الساحر

[smsm judo]

خليل من أول ليله

http://up.stop55.com/upfiles/as718496.gif

[smsm judo]

فرح خليل ودوسه

دعانا خليل لحفلة الزفاف التى أقامها فى نادى على النيل ..لم نصدق يأنه جاد فى دعواه ألابعد أن حلف يرحمة أمه
أنا : خطوبه ولآ كتب كتاب ياخليل
خليل : بقول لك دخله..ورحمة أمى دخله يازيزو أنت مش مصدق ليه ؟؟
أنا : ألف مبروك يا خلوو ..يارب تكون الأخيرة
وفى المساء تجمع الأهل والأصدقاء أمام النادى الفخم فى أنتظار وصول العروسان
لم ننتظر طويلا وأقبلت مجموعة من السيارات على رأسهم عربة الخليل المزينة بالورود
نزل خليل ودوسه من العربة على صوت النفير وطبول الزفة
وصلى ..صلى ..ع النبى صلى
الكل يتلهف لرؤية عروسة خليل النساء قبل الرجال ..وينسحب عدد منهم إلى آخر الزفة ليقعوا من الضحك00على العروس الهرقلية ذات الثوب الأبيض الذى كاد يتمزق من كمية الشحم واللحم التى حشرت فيه
وهى تمشى وهى متأبطة ذراع خليل بكل ثقة وأتزان وعلى وجهها أبتسامة باهتة تلقيها يمينا ويسارا على نساء المدعوين
أما خليل فقد كان يرتدى البدلة الأسموكن التىشاهدناها فى جولاته الخاسرة 00كان يبدو زى القمر بجانب دوسة التى قفشت فى ذراعه
وبدأت التعليقات الشامته وأرتفعت الضحكات
وكما هو حال هذه الأيام أن يقوم العريس والعروسة بأفتتاح الحفل برقصة تنجو على أنغام أغنية تيتنك
وبدأ الرقص يتخلله ضحكات حريمى من النوع البلدى المجلجل (مش عارف أوصفه هو الحقيقة يسمع ولايوصف بغير كلمة واحدة (مســخرة)
حتى تعثرت قدم دوسه فى حفرة فى الجنينة التى يرقصون فيها
وكانت الكارثة فقد أنقلبت دوسة بكامل حمولتها فوق خليل على الأرض
وتحول الفرح إلى فاصل ضاحك باكى
وأنتهى الفرح وقمنا يتوصيل خليل ودوسة إلى عش العصافير فى مدينة نصر على أصوات الكلاكسات( تيت ..تيت ..تييت ..أهلى )
يتبع

ليلة الدخلة

[إشراقه]

فى الانتظـــــــــــــــــــار


يتبع

[مالك الحزين 77]

عجبني الوش البلاستيك يا هيثم

في كتير من بنات المنتدى بيستعملوه الظاهر


قمر ومنى شو عم تعملو هون ؟؟؟

يالله على ساحتكم

برا

[مالك الحزين 77]

زهرة وانتي كمان برا


ما خلصنا منكم لاحقينا لهون ؟

[maanager]

انا عاوز اعرف حاجه واحده

مين اللي ادى للصبايا دول تصاريح بدخول هدا الموضوع

ما تختشو وكفايه فضول يا بنات

[smsm judo]

ليلة الدخله



دخل خليل إلى شقته وأغلق الباب بعد أن شكر جموع المشيعين
وأصبح وجها لوجه أمام دوسه
خليل : نورت بيتك ياعروسة
دوسة ( وهى تقترب أكثر من خليل وهىماده بوزها للأمام فى أنتظارقبلة خليل الأولى) : البيت منوربأصحابه يا حبيبى !!
خليل يشب على أطرافه ليصل إلى بوزها المدود
تحيطه بزراعيها وهو يحاول أن تتشابك يده فيفشل فى الوصول لنهاية محيط الظهر فتضع خدها على خده فى لحظه حالمه وهو يسمع دقات قلبها كالطبول
بعد ثلاثة أيام من دخلة خليل الدرامتيكيه رن جرس التليفون فى البيت
مين ؟ انا فوزى جار خليل أللى ساكن تحته
أنا : أزيك يافوزى أنت ماجاتش الفرح ليه ياراجل فاتك نص عمرك ؟
فوزى : هو كان خليل عزمنى ..أنسان غريب من يومه
أنا : وأيه الأخبار عندك ؟ بتشوف خليل
فوزى : شوفته النهارده الصبح بيركب عربية الشغل..ناديت عليه ماردش عليا منظره كده أن مانمش كويس وماشى ومش مركز
أنا : شغل من ثالث يوم أنا عارف أن واخد 20 يوم أجازة
فوزى : كله كوم وأللى بيحصل عندنا كل ليله كوم
أنا : خير يافوزى .. قلقتنى
فوزى : كل يوم الساعة تسعة بالليل ..نسمع صوت خبط ورزع فى الأبواب وصريخ وتكسير ورجلين بتجرى زى ماتقول وابور سكه حديد ماشى على السقف الحال ده يستمر بتاع نص ساعة وعدين هدوء لقرب الفجر ويتكر أللى حصل فى العشاء
بجد أنا خايف على نفسى وعلى العيال للسقف يقع علينا ..أستنى يازيزو
أهم أشتغلوا أقفل وحاكلمك تانى من البلكونه ؟؟
ياترى أيه أللى بيحصلك ياخليل
أموت وأعرف!!
جرى ورزع وخبط..... ده الواد خليل طلع نمره جامده قوى..أمال كان مضرب عن الجواز ليه؟؟
حتى قابلت خليل بالصدفة بعد شهر العسل يتمشى هو ودوسه فى النادى
يتبع



-6-



نظرية أللى يحصلنى يكثرنى

[امير الصبر]

اوقعى تكمل ياهيثم
هايشمت فينا عصابات الستات
دة قاعدين مطرطاين ودانهم

[عاليـة]

ههههههههههههههههه

جميل الموضوع يا هيثم

حلوة حكاية الوش البلاستيك ده

بإنتظار جديدك

[smsm judo]

منورين ياحلى بنى آدمين

[smsm judo]

وخلص العسل بدرى بدرى

قالت المدام : أللى ماشى هناك ده مش خليل ودوسه تعالى يازيزو نسلم عليهم
اهلا ياخليل الجواز خدك مننا ..ولاحس ولاخبر من يوم الفرح ..أنت فين ياراجل
خليل كمن وجد لقيه ونزل فين سلامات وترحيب ودوسه كانت فى ذهول
مما يحدث فقد سلمت علينا بفتور وعنطزه
تعالى ياخليل نقعد على الترابيزه دى ..أنت وحشنى كتير..أخيرا ربنا رضى عنك وأتأهلت
خليل : من ناحية رضى هورضى قوى قوى
دوسه : (وهى تزغر لخليل ) قم هات لى آيس كريم
خليل : تانى يادوسه ده رابع آيس كريم
دوسة : ( وهى تزوم ) قوم وبلاش بخل
خليل : ( ينكمش فى مقعده وهو محرج ) أصل دوسه حامل ويظهر بتتوحم
هههه00
ألف مبروك يادوسه..أيه الأخبار الجميله دى
خدنى معاك يا خليل وسيب الستات يرغوا يراحتهم
ماصدقت أنى أختليت بخليل لأطمأن عليه وأعلم سر معركة التاسعه مساء
التى نشرها فوزى بين الأهل والأصدقاء
أنا : قول لى ياخليل أنت مبسوط ولآ مش مبسوط
خليل : مبسوط ومش مبسوط
أنا : فزوره دى
خلبل : مبسوط لأن دوسه حامل وربنا أراد لى أن أشوف لى عيل وأنا فى هذا السن..ومش مبسوط لأن دوسه أتغيرت 360 درجة
أول ما أتجوزنا كانت تقف تخدم عليا وأنا بأكل ..ماسكه فى أيديها كباية الميه والفوطة وتأكلنى بأديها فى بقى وتقوم الصبح تفطرنى وتلبسنى وتلمع جزمتى وتوصلنى لحد باب الشقه وهى بتدعيلى زى أمينة و سى السيد فى بين الصورين
ولكن الفيلم ماأستمرش ..أكثر من 15 يوم وأبتديت أحوالها تتغير شويه تعبانه وشويه تصطنع المرض لحد ماراحت حللت وبلغها الدكتور بأنها حامل ومن ساعتها بدأ فيلم جبروت أمرأة وصرت أنا أللى بهنن وأطبطب وأحايل
وأحضر لها الأكل فى السرير وتركت لى المواعين والطبيخ والغسيل
وعدت عازب مرة أخرى لأتكفل بها وبنفسى وأديك شايف
أنا : ياه أنت باين عليك تعبات خالص
خليل : ده أنا تعبان بشكل ..أسكت يازيزو ياخويا..هو أنا مجوز واحده ست عادية أنا مجوز وحش آدمى فى صورة واحدة ست
أنا : فكرتنى يا خليل00 فوزى جارك بيشتكى من الهبد والرزع والصريخ
كل يوم الساعة تسعة بالليل
خليل : فيك مين يكتم السر.. أنا : فى بير
خليل : أنا لما أخد ت خطوة الجواز شلت هم كيف سأتعامل مع هذه الكتلة الضخمة..حتى سعيت أبحث عند أصحاب الخبرة فى هذا المجال فمنهم من أشار أن أسقيها مخدر أومسكر ومنهم من أشاربأن أخبطها شومه على راسها على سهوه وآخرين قالوا لى هد حيلها بلعبة الأستغماية وكيكه على العالى وأخيرا أللى يحصلنى يكثرنى

فبدأت بالمسكر فى أول يوم وعينك ماتشوف ألا النور قامت طايحه فى البيت تكسر أى حاجه فى سكتها وأنا مش قادر أقرب ناحيتها لحد مادخلت برأسها فى مراية التسريحة فوقعت على الأرض فتركتها غى مكانها للصبح ... خفت بجد أقرب منها لتقوم تدغدغنى

أستبعدت الفكره دى بعد أللى شوفته كانت حتموتنى يازيزو
أما حكاية الشومه أستبعدتها هى الأخرى لأن ممكن تستحمل الشومه وترد على بعشرين شومه أما الألعاب الأخرى كانت أهون ولكن أن هى تتهد أبدا
ومن ساعة ماعرفت أن هى حامل بطلت كل الألعاب
وصارت تأمر وأنا أطيع
أنا : ياه ياخليل يوصل بك الحال لكده
خليل : ده ذنب خديجه وسعاد وجمالات ونحمده وسوسو وتوتو وميمى
والباقى مش فاكرهم
كنت فين يا لأ.... لما قلت أنا آه..أه ..أهه أهه أهه أهههههه
أصوم أصوم وأفطرعلى مين .. على دوسه ..على حوسه
تمت

[ياسمينا]

اية يا هيثم حرام عليك اية الكلام الجامد ده
طيب بذمتك هى الست بتكشر او بتنكت من غير سبب اكيد جوزها مطلع عنيها وقرفها برده

[إشراقه]

هههههههههههههههههههههههههههههه

حلوه اوى بجد ههههههههههههههه

عسل يا هيثم النهايه

بالذات حكاية الساعه التاسعه

موتنى ضحك

تسلم فى انتظار الجزء التانى يريت

[romio_love]

في ستات كده ياهيثم بس مش كلهم

زي مافي وحش في حلو

وبعدين ده بيرجع للراجل بتاعها واكيد انتى فاهم قصدي :1b