لو كنت بتحب مصر لازم تشارك

[ahmed_aldally]

اضراب عام فى كل مصر

إتفقت كافه القوي الوطنية في مصر علي
أن يكون
يوم 6 إبريل
يوم إضراب عام في مصر
يوم 6 إبريل
خليك قاعد في البيت أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
) حزب العمل المصري- حركة كفاية - الإخوان المسلمين - حزب الكرامه - حزب الوسط - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات(

6
أبريــــــــــــل
...
أضراب عام في مصر سلمي
أبعت رسايل لخمسة من أصحابك
ولو كل واحد بعت لخمسة
في ظرف يومين البلد كلها حتعرف
بالموبايل
بالأرضي
بالأيميلات
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات ألي بتقروها
بيكوا وبينا البلد دي حتتغير إن شاء الله

[Dr.Hamzeh Malkawi]

أللّه يكون بالعون أخي أحمد
ومعظم البلدان العربية لاحقة
برفع الأسعار بشكل جنوني

[sa.love]

الله يكون بعون الجميع

[الشيمى]

تصدق بالله ؟ والله لو عملنا ايه مافي فايده ابدا
دي سياسه يا بني عمرها ماهتتغير دي حكومه وعمرها دي كمان ماهتتغير

حسبي الله ونعم الوكيل

[لقــاء]

عارف أحمد

خايفه يكون كلامى الشيمى صح

ولكن ده مش مبرر عشان نتقاعص عن المشاركه

لازم نحاول

اكيد هتفرق أتمنى أنى أستطيع المشاركه معكم

لقــاء

[Salamat]

نفسي اشوف وجها لوجة البقرة الضاحكة هو وعصابتة واسألة اية رأيك واحساسك وشعورك في هذا الاضراب العام الذي يطالب بة الشعب بكل فأتة وطلبات الشعب هي الحد الادني لكرامة اي شعب يريد ان يعيش حياة عادية ليست حياة رفاهية من التي يوعدنا بها منذ اكثر من 25 سنة
الله يخرب بيتة ونري فية يوم هو واولادة وعصابتة
ولكن بيني وبينكم كل دة كلام فاضي والله لازم يقوم الشعب كلة ويعرف فين في اي مكان ويهجموا علية باي طريقة والشلام والعصي بي الحجارة باي شئ المهم يمسكون ويعزلوة من الحكم بالقوة ولا يتركوة يغادر مصر ابدا ويحكام محاكمة علانية هو وعصابتة وامام الشعب والعالم كلة
يا عالم هل هذا يصلح ان يكون حاكم
واحد شعبة لا يجد الخبز هل رأيتم مثل هذة الفضيحة الشعب المصري وبعد 25 سنة من حكم الامبارك لا يجد الخبز والاهبل ابن الاهبل يروح يتفق مع روسيا علي انشاء محطات نووية اي عقل ومنطق يقبل هذا اي عقل يقول شعب عاطل واقتصادة في تدهور ولا يوجد فية حتي الخبز ويريد ان ينشئ مفعلات نووية
هذا اغبي رئيس حصل في العالم
مصر تنتج 6 مليون طن قمح وتستورد 6 مليون والاحتياج اكثر من 13 مليون مش مهم ولكن الاهم وهو ان طن القمح بيباع بـ 400 دولار ونقلة بيكلف حوالي 100 دولار اي يكلف 500 دولار للطن هذا ما سمعناة علي الجزيرة كل هذا ليس مهم ولكن الاهم هو ان الـ 6 ملبون طن المزروعة في مثر تشتريها الحكومة من المزارع المصري بـ 360 جنييييييييييييييييييييييييييييييييييييييييية فقط لا غير يعني اقل من تكلفة شحن الطن من الخارج فهل هذا عدل او هل هناك عقل او ضمير اتفوة علي هذا حكم وعلي هذا حاكم
وهناك من البلاوي الكثير والله اعلم بها وحدة
ضيعت مصر يا ابن الكلب الله يخرب بيتك

[إشراقه]

تصدق بالله ؟ والله لو عملنا ايه مافي فايده ابدا
دي سياسه يا بني عمرها ماهتتغير دي حكومه وعمرها دي كمان ماهتتغير

حسبي الله ونعم الوكيل

اكيد اختى انها سياسه بس

بجد معدش ينفع الاستسلام بالشكل ده

السياسه لازملها وقفه بكل المقايس

وفعلا بالذات سياسة التجويع

علشان ما ينشغل الشعب

باى شى غير الاكل

مشكله

ـــــــــــــــــــــــــــــ

اخى أحمد اكيد ده شىء مهم

من باب تغير المنكر باى شىء

بس احنا اتعودنا على أضعف الايمان

دمت بود

إشراقه

[Salamat]

لازم يكون هناك تغيير في كل شئ في الدستور والقوانين والحكم وطبعا عزل الالامبارك من الحكم ولا يسمح بعد ذالك لاي رئيس إلا لفترتين فقط
لازم يحصل فية شئ قوي يغير مصير الشعب المصري كلة لازم يفوق من نومة وثباتة ويتكاتف مع بعضة البعض في مواجهة هذة العصابات الحاكمة للبلد غصب عنها

[ahmed_aldally]

السلام عليكم ورحمه الله وبركاته
يا جماعه كفايه كلام عيزين نعمل حاجه
معدنا ان شاء الله يوم 6 ابريل
لازم نتحرق
لازم نتكلم
لو مكنتش ليك يبقا لولادنا
دى مصر غاليه علينا كلنا

[Salamat]

طيب معاك الناس راح تعمل هذا الاضراب ولكن ما هي النتيجة اتوقع لا شئ
لان المشكلة هي هي
ففي ظل الامبارك وعصابتة سيبقي الوضع كما هو علية يجب ان تكون هناك مظاهرات في كل مصر تاني بما قلت علية وايضا تنادي بعزل مبارك والقبض علية هو وعصابتة وتصادر ممتلاكاتهم الداخلية والخارجية وتعود للشعب وساعتها ستنفرج الازمة
وتجري انتخابات حرة نظيفة محترمة تحترم راي الشعب وتغير الدستور من الشعب نفسة ولا يغيرة اي احد علي هواة
هذا ما يجب ان يكون مش طلام وبس لازم تغيير النظام كلة 27 سنة في ظلم وقهر وسرقة وعدم وجود حرية في اي شئ ومن يقول لا يذهب ورا الشمس

[Salamat]

هنا الحقيقة الكاملة وما يجب ان يعمل شاهدوا واستمعوا ونفذوا

والله كلام ليس من فراااااااااااااااااااااااااغ

http://imbh.net/audio/hosny_0001.wmv

[ابناء النيل]

السلام عليكم
ياريت يا احمد يحصل الا بتقول عليه ياريت على الاقل نتكلم هنفضل لامته خورص سكتين بيتحكموا فينا زى العرائس فى المولد يعملوا فينا الا هم عايزينوا امته نقول ليه احنا بشر بس ياريت الكل يشارك
وكمان يا اخ الشيمى حتى لو كان الا بنقول عليه صعب زى ما انت قولت بس على الاقل يبقى عملنا حاجه وكمان الريح الا ما تهدم بتهز

[Salamat]

الواضح ان الشعب اصبح يكرهة ويكرة اسمة وصورتة الي درجة انة اصبح اي احد يسمع اسمة يسب ويلعن ولو شاهد صورتة يبثق عليها فماذا ينتظر
الا يوجد عندة دم الله يخرب بيتة هو وعصابتة

[Salamat]

قرأت لك

في إطار إصرار مبارك على التوريث: أنباء تتحدث عن توجه لتعيين جمال مبارك رئيسا للوزراء وطنطاوي نائبا لرئيس الجمهورية وعنان وزيرا للدفاع - ووزير الإعلام يتحدث صراحة أن جمال مبارك سيكون ا

www.alkahera-alyoum.net



30th March


خاص من مراسلنا بالقاهرة:---
في وقت قالت دوائر مقربة من المؤسسة الحاكمة انه حتي الان لم يتخذ قرارا بتغيير وزاري يطيح باحمد نظيف ويجيء بوزارة جديدة ، ذكرت مصادر اخري مقربة من حسني مبارك شخصيا واسياده بواشنطن ان الطاغية يبحث الان اجراء تغيير وزاري يجيء بجمال مبارك علي رأس الوزارة والفريق محمد حسين طنطاوي نائبا لرئيس الجمهورية وسامي عنان وزيرا للدفاع
وزعمت تلك الدوائر بأن ازمة الخبز وغيرها من الازمات مفتعلة من قبل مبارك وتشكيل التوريث حتي اذا ما تولي جمال مبارك منصبه الوزاري علي رأس الوزارة يقوم بحل تلك الازمات مما يؤدي لارتياح بالشارع المصري بحيث يمكن تقبله كأمر واقع بعد ذلك
لكن لم تستبعد تلك المصادر ان يتراجع مبارك في اخر لحظه عن توجهه هذا خوفا من المؤسسة الحاكمة وخشية علي حياته وحياة ابنه
الجدير بالذكر ان رؤساء تحرير عينهم مبارك الابن يشنون حملات الان ضد احمد نظيف وحكومته ويتهمونه بالفشل مقابل تلمييع جمال مبارك كما ان تعيين طنطاوي يجيء لمرضاة المؤسسة الحاكمة وفي نفس الوقت صحته تعبانه ولاتساعده غلي الاستمرار اما سامي عنان فهو من ابرز المؤيدين للتوريث

ومن ناحيىة أخرى استضافت القناة الأولى للتلفزيون المصري أمس انس الفقي وزير اعلام مبارك وسألته المذيعة عمن تتوقع ان يخلف الرئيس مبارك فرد بالقول ثمة آلية لانتقال الحكم حددتها المادة 76 ووفقا لتلك الآلية سيختار الحزب الوطني من يخلف الرئيس وبالطبع سيكون جمال مبارك!!.. ومن هنا يكون وزير دعاية مبارك قد دخل او ادخل عش الدبابير وسنري من صدعونا بعدم وجود ادني احتمال لتوريث الحكم وقالوا لنا ان ذلك لن يحدث ماذا سيفعلون في مواجهة النقلة النوعية الجديدة علي طريق التوريث والجدير بالذكر ان وزير الاعلام كان قبيل 5 سنوات مجرد ناشر لكتب الاطفال يتنقل بها في المعارض والمؤتمرات ويحاول الوصول الي سوزان مبارك بأية وسيلة وعندما ذهب للمجلس القومي للمرأة بدأ يطلب من صحفيين مجرد نشر خبر له عن معرضه او دراسة اجراها وعندما ينشرون له خبر يكاد يطير من الفرحة ويوالي الاتصالات بهم شاكرا وطالبا منهم معلومات عن موعد مؤتمرات سوزان مبارك والاماكن التي تتردد عليها وكيفية الوصول اليها وبالفعل نجح في مقابلتها عابرا اثناء افتتاحها معرض لكتب الاطفال وعلي الفور لعق حذائها بالانحناء امامها والتذلل لها واهدائها قصصا غلفها خصيصا باغلفة فاخرة فاعجبت به وامرت بتعينه رئيسا لقطاع الثقافة الجماهيرية بوزارة الثقافة مرة واحدة وعندما تمت اقالة البلتاجي من وزارة الاعلام امرت سوزان مبارك بتعيين انس الفقي وزيرا للاعلام هكذا صعد انس الي اعلي المواقع الثقافية فوق جثث كتاب ومفكريين واعلاميين كبار لمجرد أنه يلعق حذاء الست واول قرار اتخذه التنكيل بالصحافيين الذين ساعدوه فطردهم من تغطية المجلس القومي للمرأة .

[عاليـة]

ههههههههههههه

اخى امس كان مجلس الشعب والشورى يناقشا ازمة رغيف الخبز

تابعت احداث الجلسات على التليفزيون

وكم ضحكت وظننتها مسرحية هزلية

هيا بنا نتابع

يجلس السيد رئيس المجلس ينده اسم السيد العضو الموقر فلان

يقوم العضو يهز تراب الركنة على الرفوف ويعلى صوته

انا نزلت مع المسئولين فى التموين والموضوع خلاص اتحل

والاخر يقول لازم نتوسع فى زراعة القمح ونضيف للرغيف دقيق الذرة حتى لا يباع الدقيق لمخابز الحلويات

والثالث يقول

ماهى الناس بتاخد العيش تؤكله للفراخ

طب هى فين الفراخ وحياة راس الحكومة

عجبى على شعب يبحث فقط عن رغيف خبز آدمى

ولا حول ولا قوة الا بالله

وحسبنا الله ونعم الوكيل

[Salamat]

السادات اذكر انة قال مرة انة يريد ان نعتمد ويعتمد العرب علي نفسة في الزراعة ويكون عندنا اكتفاء ذاتي من المحاصيل الزراعية
واراد ان يثتثمر ذالك ويطبق هذة فكرة التوسع في الزراعة مع السودان بحكم ان المياة موجودة والاراضي خصبة ولا تريد تكاليف كثيرة وقال لهم ان التكاليف والعمالة ستكون من مصر ونتقاسم العائد والانتاج
ولكن الحلوين قالة لة اية انتة عايز تحتل السودان ولا اية
اقصد من هذا ان فكرة التوسع في الزراعة مطروحة من سنين ولكن لا يوجد من عندة ضمير ويطبق
السعودية هذا البلد الصحراوي ومع ندرة المياة فية اصبح عندة اكتفاء ذاتي من القمح ويصدرة ايضا ويفكرون الان في استغلال المياة لهم ويتجهون في زراعة المحاصيل في مصر والسودان
سوريا التي كانت قديما تاخذ من مصر القمح اصبحت الان مكتفية ذايتا وتصدر منة ايضا
فاين العيب هل العيب فيهم ام فينا يقال ان السودان لو استغل في الزراعة جيدا لاكتفي الوطن العربي كلة من جميع المحاصيل ولكن لا يوجد من عندة ضمير لا في السودان ولا في اي حاكم عربي
المهم هو اني اقول ربنا يستر علي اللي جاي من الايام القادمة علي مصر

[husny]

يارب فرج على مصر واهلها ...

[الشيمى]

والله الكلام اللي اتقال في الموضوع ده تعب القولون جدا وعصبه
كل كلمه قلتها يا سلامات صح
عاوزه افكركم في شئ حصل من فتره قصيره
اعلن ان مبارك غار في داهيه مات وهذا في صحيفه من الصحف
يا تري عرفتم ايه اللي حصل لهذا الصحفي الجرئ؟؟
البهاوات لفئوله تهمه ودخله السجن والكلام ده قالته صديقه له في نفس الصحيفه يعني من مصدر موثوق منه
فهل بعد اللي سمعناه في مصر هنقدر نقوم بهذه الثورة والرد معروف عارفين في الايام دي كان ايه اللي ديما يتذاع علي شاشات التليفزيون باستمرار؟
وده بمعاونه الكلاب باقي العصابه فيلم احنا بتوع الاوتوبيس اكيد طبعا كل المصريين عارفينه
وعارفين هما هدفهم ايه من عرض الفلم ده وفي التوقيت ده بالذات
انا معاك نطلع مظاهره ماشي طب فين وازاي ومين اللي هيرؤسها عارف ايه اللي هيحصل اصل شبابنا للاسف ميعرفش المسئوليه ولا النظام هتتم مشاغبات وهيتحطو كلهم تحت شعار الارهاب او المشاغبات وهيكو مصير نصهم السجن والنص التاني اللي هيهرب الاصابات بايد الامن المركزي اللي بيجيبوهم بهايم لمؤخذه
ليعرفو بيضربو ليه ولا ازاي هيا دي الحقيقه ومحدش يزعل مني يمكن تفكير الست مختلف عن الرجال اعزروني واحده ست ناقصه عقل ودين

[blackknight]

باذن الله هنشارك كلنا في الاضراب

وربنا مش هيسالنا علي النتائج لكن هيسالنا علي السعي للنتائج

وبعدين لوقعدنا نقول مفيش فايده هيبقي فعلا مفيش فايده لكن لو قمنا واتحركنا

اكيد لازم يكون فيه تغييييييييييييييييييير

خلونا نبطل سلبيه يا جماعه وبعدين احنا مش هنحارب احنا هنقعد في البيت

شكرا للموضوع الحيوي ولكل المشاركين

[ملكة الأحزان]

حتى لو لم يحدث تغيير
يكفينا شرف المحاولة

[Salamat]

حتى لو لم يحدث تغيير
يكفينا شرف المحاولة

كلام صح
وسوف تأثر علي كل شئ ولن يضيع ذالك هباء ابدا

[ايامنا]

انا مش عارف الواحد بس يعمل ايه في البلد
دي

انا اخر خبر سمعتوا من ساعتين بس

ان اللي هينزل في مظاهرة هيتم اعتقالوا مباشرة وان كمان هيتم حبسوا لمدة 5 شهور

ربنا يكون في عونا والله فعلا انا نفسي موضوع الاضراب يعمل نتيجة لصالح الشعب المصري

مش بعد ده كلوا نلقي بردوا العكس

[Salamat]

والله اظن يعني مش معقول انهم راح يحبسوا كل الناس في مصر
وحتي ولو قبضوا علي اللذين يدعمون الاضراب الناس مش راح تسكت وراح يعملوا مظاهرات اكبر من العصيان المدني
والمشكلة ليست مشكلة حزب ولا منظمة دي مشكلة شعب مطحون لدرجة انة لم يعد قادر علي شراء العيش يعني مش حاجة سهلة
فاذا كان الامبارك و النظام والحكومة في مصر اصبح مش عارف يوفر حتي الخبز فماذا سيفعل للشعب في باقي مشاكلة من بطالة وصحة وتعليم واسكان وزراعة وكل شئ

[ahmed_aldally]

الثورة يوم 6أبريل
وإلى اجل غير مسمى
فإما أن يرحل الطاغية عنا
وإما أن نرحل عن الحياة الذليلة
ولن نقبل الا بدستور وقانون يرضاه الدين والعقل
يحاسب المخطئ أيا كان
ويعطي الصالح حقه اينما كان
هلموا يا رجال مصر ويا نسائها
يا اطفالها وشيوخها
يا مسلميها ومسيحييها
هلموا جميعا الى اعلاء كلمة الحق
وانزال كلمة الباطل
فوالله وكأنه سبحانه وتعالى يمهلنا الفرصة الأخيرة
والله من وراء القصد

[Salamat]

الثورة يوم 6أبريل
وإلى اجل غير مسمى
فإما أن يرحل الطاغية عنا
وإما أن نرحل عن الحياة الذليلة
ولن نقبل الا بدستور وقانون يرضاه الدين والعقل
يحاسب المخطئ أيا كان
ويعطي الصالح حقه اينما كان
هلموا يا رجال مصر ويا نسائها
يا اطفالها وشيوخها
يا مسلميها ومسيحييها
هلموا جميعا الى اعلاء كلمة الحق
وانزال كلمة الباطل
فوالله وكأنه سبحانه وتعالى يمهلنا الفرصة الأخيرة
والله من وراء القصد

معك حق ويمكن تكون الفرصة الاولي وليست الاخيرة
الشعب صحي خلاص وايامة معدودة
بس المهم رايت يعرفوا يمسكوة قبل ما يهرب هو واولادة وعصابتة برة وتضيع مليارات سرقوها من دم الشعب

[ايامنا]

ياتري هيكون في يوم تاني للاضراب

معلش يا سلامات هما كده كده هربوا المليارات بره وده من زمان وكل الناس عرفه كده
السؤال هنا ايه اللي حيصل بعد كده في حد كويس زاي زمان سعد زغلول واحمد عرابي
فعلا البلدي مبقتش بلدنا مفيش حد عارف يوصل صوت الشعب خلاص طب نروح فين نروح اسرائيل يعني نعيش هناك