إمام حمد
18-02-2008, 18:54
تسمحيلى بكلمة واحدة
تسمحيلى بلحظة واحدة
تسمحيلى برقصة واحدة
تسمحيلى وتسمحيلى وتسمحيلى و تسمحيلى
وكل مرة تسمحى
وتقومى بعد ماتهمسيلى بكلمة هايفة مبهمة
واهمس انا
من غير ما أفهم قولتى أية أو قلت أية
وأشعر ببركان الالم
حارق كيانى ودنيتى
أكتم صراخى وثورتى
وأغرق فى بحر عيونك الساحر
أتوة منك وفيكى وأبتسم
أضحك وأبكى و أبتسم
ينزف كيان الحب عمرة
فى متاهات العدم
أكل ألم
أشرب ألم
أدخل جدار المستحيل اللى انهدم
أندة عليكى جوا جوايا تردى
أسألك عنى تعاندى
أسألك عنك تعدى
من بحور الشك فيكى
للأمان اللى انزرع داخل عنيكى
أشكى من شكى و ظنونى
واخنق ىاللحظة الغريبة
وأبتسملك يا أرق الناس تجينى
كل ما فيكى بيندة
كل ما فيا بيسمع
كل مافيكى بيصرخ
كل ما فيا بيحلم
كل ما فيكى و فيا
لحظة جاية
باشتياق العمر كلة
أنسى كل الماضى
وانسى الدنيا وأبدأ اتولد منك وبيكى
طفل مستسلم ونايم
طفل مستسلم وعايش دنيتة داخل كيانك
بس مش ممكن هسلم للأبد
أو اعيش العمر داخل دوامات الصمت مستنى القدر
يرجعلى بيكى من متاهات الزمن
انا عايزك انتى بكل إخلاصك وحبك
وبأرادتك
تلغى كل الدنيا ديا وترجعى
أرجوكى حاولى تفهمى
انا مش بحاول أمنعك
أو أحرمك
حريتك وتحررك
وإيمانك المطلق بلحظات المرح
والأصدقاء و الشلة و الرحلات ودنياكى الكبيرة الساحرة
أشياء حقيقى كلها من حقك انتى ومن طبيعتى باحسها
والرقص برضة
شئ لايمكن انكرة
انا عصرى فعلا إنما
جوايا شئ بيشدنى
من كل شئ خارج دواير دنيتة
مارد خطير
شرقى الملامح
ريفى جدا فى التعامل
صعب فى حل المسائل
عمرة ما سلم بعصر التوهة و الهوجة اللى دايس كل شئ تحت الجزم
- بس انت عارف ان قلبى لك لوحدك
- مهما أضحك ولا ألعب ولا أرقص ولا أغنى
- انت جوايا المعانى والأمانى و الأمل
وعشان كدة لازم أقولك كل شئ
زرعة فى كيانى المارد الشرقى العتيق
وبدون زعل أو أى ضيق لو تسمحى
أوقات عصيبة بعيشها فعلا
لما أشوفك بين أيدين هيكل غريب
لمسة أيدية
حتى ولو كانت بريئه بحسها
كرباج بيسلخ جلدى وبيحرق كيان شخصيتى
نظرة عنية
حتى ولو كانت رقيقة بحسها
خنجر بيقتل فيا إحساسى بكرامتى وعزتى
وياريت علية هو و بس
أنتى كمان
بأيدكى و عيونك وخدك
غير جنون شعرك وصدرك
كل مافيكى بيتحرك بشكل جنونى هستيرى غريب
كللك جنون
كلة جنون
حتى الأغانى و الكراسى و الحيطان شاربة الجنون
حتى أنا بيصيبنى مس من الجنون
بأصرخ وبا خرج من كيانى انتفض
أشعر بانى جوا غابة انفجر
واخدك لصدرى لجل احميكى و أحمينى من الدنيا الجنون
- الله كمان
- قول يا حبيب القلب كمل اية كمان
بتهزرى
وانا بتخنق و جميع ما فيا بيتحرق
وسيادتك انتى بتضحكى وتتغندرى
- حاسب عليا شوية أية
- فرحانة بيا وبيك وبالحب اللى واضح فى انفعالاتك ومن نظرة عنيك
أرجوكى جاوبينى بصراحة وريحينى و أنطقى
الحل أية
- بتحبنى ؟
والرقص لو يعنى طلبت تبطلية هتبطلية
- بتحبنى ؟
والأصدقاء و الشلة والرحلات وكل اللى انتى كنتى بتعملية
- بتحبنى ؟
- بتحبنى ؟ تنكر ؟
أنا
- تنكر بأن الأدلويز هيا حبيبتك وحدها
مانكرش لكن...........
- ياحبيب قلبى انا
- ألغى تمام كل اللى كان و اللى جرى
- أنا لسة مولودة انهاردة
- طفلة حلوة صغيرة
- شكلنى زى مايعجبك
- عودنى عاللى بيعجبك
- سمعنى أحلى سيمفونية فى الوجود
- قولى بحبك
- أوعى تانى تصدها وتصدنى
- قول يا أغلى الناس يا عمرى
- قد أية بتحبنى
عايزانى أقولك قد أية
قد الشجر ... قدر المطر
قد الحياة .. قد الوجود
عايزانى أقولك حبى ليكى مالوش حدود
كل الكلام دة يادوب هوامش
فى صلاتى فى لحظة واحدة فى معبدك
أنا مش بحبك بس لأة و ألف ألف و ألف لأ
وأحلف بحبك
يا حبيبة عمرى كلة
أنى فعلا بعبدك
لكن ياريت
لكن ياريت
تسمحيلى بلحظة واحدة
تسمحيلى برقصة واحدة
تسمحيلى وتسمحيلى وتسمحيلى و تسمحيلى
وكل مرة تسمحى
وتقومى بعد ماتهمسيلى بكلمة هايفة مبهمة
واهمس انا
من غير ما أفهم قولتى أية أو قلت أية
وأشعر ببركان الالم
حارق كيانى ودنيتى
أكتم صراخى وثورتى
وأغرق فى بحر عيونك الساحر
أتوة منك وفيكى وأبتسم
أضحك وأبكى و أبتسم
ينزف كيان الحب عمرة
فى متاهات العدم
أكل ألم
أشرب ألم
أدخل جدار المستحيل اللى انهدم
أندة عليكى جوا جوايا تردى
أسألك عنى تعاندى
أسألك عنك تعدى
من بحور الشك فيكى
للأمان اللى انزرع داخل عنيكى
أشكى من شكى و ظنونى
واخنق ىاللحظة الغريبة
وأبتسملك يا أرق الناس تجينى
كل ما فيكى بيندة
كل ما فيا بيسمع
كل مافيكى بيصرخ
كل ما فيا بيحلم
كل ما فيكى و فيا
لحظة جاية
باشتياق العمر كلة
أنسى كل الماضى
وانسى الدنيا وأبدأ اتولد منك وبيكى
طفل مستسلم ونايم
طفل مستسلم وعايش دنيتة داخل كيانك
بس مش ممكن هسلم للأبد
أو اعيش العمر داخل دوامات الصمت مستنى القدر
يرجعلى بيكى من متاهات الزمن
انا عايزك انتى بكل إخلاصك وحبك
وبأرادتك
تلغى كل الدنيا ديا وترجعى
أرجوكى حاولى تفهمى
انا مش بحاول أمنعك
أو أحرمك
حريتك وتحررك
وإيمانك المطلق بلحظات المرح
والأصدقاء و الشلة و الرحلات ودنياكى الكبيرة الساحرة
أشياء حقيقى كلها من حقك انتى ومن طبيعتى باحسها
والرقص برضة
شئ لايمكن انكرة
انا عصرى فعلا إنما
جوايا شئ بيشدنى
من كل شئ خارج دواير دنيتة
مارد خطير
شرقى الملامح
ريفى جدا فى التعامل
صعب فى حل المسائل
عمرة ما سلم بعصر التوهة و الهوجة اللى دايس كل شئ تحت الجزم
- بس انت عارف ان قلبى لك لوحدك
- مهما أضحك ولا ألعب ولا أرقص ولا أغنى
- انت جوايا المعانى والأمانى و الأمل
وعشان كدة لازم أقولك كل شئ
زرعة فى كيانى المارد الشرقى العتيق
وبدون زعل أو أى ضيق لو تسمحى
أوقات عصيبة بعيشها فعلا
لما أشوفك بين أيدين هيكل غريب
لمسة أيدية
حتى ولو كانت بريئه بحسها
كرباج بيسلخ جلدى وبيحرق كيان شخصيتى
نظرة عنية
حتى ولو كانت رقيقة بحسها
خنجر بيقتل فيا إحساسى بكرامتى وعزتى
وياريت علية هو و بس
أنتى كمان
بأيدكى و عيونك وخدك
غير جنون شعرك وصدرك
كل مافيكى بيتحرك بشكل جنونى هستيرى غريب
كللك جنون
كلة جنون
حتى الأغانى و الكراسى و الحيطان شاربة الجنون
حتى أنا بيصيبنى مس من الجنون
بأصرخ وبا خرج من كيانى انتفض
أشعر بانى جوا غابة انفجر
واخدك لصدرى لجل احميكى و أحمينى من الدنيا الجنون
- الله كمان
- قول يا حبيب القلب كمل اية كمان
بتهزرى
وانا بتخنق و جميع ما فيا بيتحرق
وسيادتك انتى بتضحكى وتتغندرى
- حاسب عليا شوية أية
- فرحانة بيا وبيك وبالحب اللى واضح فى انفعالاتك ومن نظرة عنيك
أرجوكى جاوبينى بصراحة وريحينى و أنطقى
الحل أية
- بتحبنى ؟
والرقص لو يعنى طلبت تبطلية هتبطلية
- بتحبنى ؟
والأصدقاء و الشلة والرحلات وكل اللى انتى كنتى بتعملية
- بتحبنى ؟
- بتحبنى ؟ تنكر ؟
أنا
- تنكر بأن الأدلويز هيا حبيبتك وحدها
مانكرش لكن...........
- ياحبيب قلبى انا
- ألغى تمام كل اللى كان و اللى جرى
- أنا لسة مولودة انهاردة
- طفلة حلوة صغيرة
- شكلنى زى مايعجبك
- عودنى عاللى بيعجبك
- سمعنى أحلى سيمفونية فى الوجود
- قولى بحبك
- أوعى تانى تصدها وتصدنى
- قول يا أغلى الناس يا عمرى
- قد أية بتحبنى
عايزانى أقولك قد أية
قد الشجر ... قدر المطر
قد الحياة .. قد الوجود
عايزانى أقولك حبى ليكى مالوش حدود
كل الكلام دة يادوب هوامش
فى صلاتى فى لحظة واحدة فى معبدك
أنا مش بحبك بس لأة و ألف ألف و ألف لأ
وأحلف بحبك
يا حبيبة عمرى كلة
أنى فعلا بعبدك
لكن ياريت
لكن ياريت