عاليـة
17-02-2008, 12:52
السلام عليكم ورحمة الله وبركاته
أي تجمع عائلي موجود فيه ولد و بنت صغيرين؟؟
اول حاجه بيقولوها للولد ايه عايز تطلع ايه يا حبيبي لما تكبر
نص العيال المفترية بتقول ظابط و اللي عنده وعي شوية يمكن يقولك دكتور
جيل المستقبل بأه يا سيدي عنعمل ايه؟
البنوته الصغيره بيقولولها ايه؟؟؟.
نجوزك حماده يا سوسو لما تكبري ..والا تتجوزي ابيه خالد؟؟
تبص البنت بغباء كده و تقولهم ..أناهاتجوز بابا
و الكل يتفتح في الضحك و يخلص الموضوع على كده
و تطلع البت من صغرها يجيبولها عروسة
تسرحها و تلبسها الفرحه و تزفها
و اي بنت في اي مجتمع تلاقي اول لعبه نفسها تلعبها عروسة و عريس
تعالوا نشوف الحوارات دى
1:هو انت معاكي ايه
:2 معايا جوزين غوايش و ماشاءالله
م1:لأ يعني معاكي عيال ايه
م2: لا انا لسه ماتجوزتش
م1: يا عييييييني
بيئة تانية و مستوى تاني
م1: وانت معاكي ايه دلوقتي
م2:معايا ماجستير و باحضر في الدكتوراه
م1:لأ قصدي معاكي عيال ايه؟
م2: لأ انا لسه ماتجوزتش
م1: يا عيييييييني
بيئة تالته و مستوى تالت
م1: وانت معاكي ايه دلوقتى
م2: انا معايا شيروكي 4*4
م1: لأ قصدي معاكي تشيلدرين ايه؟
م2:نو ..أنا لسه ماتجوزتش
م3:أوه ماي جود ..هاااانييييي
هى دى الحوارات في كل المستويات
ولا يوجد اي نجاح في اي مجال يقدر يحل محل الزواج بالنسبة للبنت الشرقية
طب و اللي مش لاقيه و اللي فاتها القطر و اللي بارت على رأي الناس مابتقول
يبقى مالهاش لازمة ..تروح تولع في نفسها يعني؟؟
هي غالبا ما بتبقاش مستعده لا نفسيا و لا علميا و لا اقتصاديا لللحظه دي
كل الناس بيقولولها هتتجوزي يعني هتتجوزي
و ساعة لما مايحصلش .مابتلاقيش حواليها غير نفسها و بس
بعد مالنسبة زادت و بقى عدد اللي لسه قاعدين بالملايين
لازم كل البنات يحبوا نفسهم و يدوروا ع النجاح في كل الأماكن
و يعيشوا حياتهم على انها حياتهم مش على أساس انها تتر لمسلسل لسه مابتداش
ولازم المجتمع يبطل يحصر البنت في دور العروسة و بس
لأنه وقت الجد مش هيقدر يعملها حاجه و هيبقى هو اللي جنا عليها
لأنه فهمها ان ده الطريق الوحيد و مفيش غيره
و هتحس ساعتها ان مالهاش لازمه و انها صفر ع الشمال
ولا ايه رأيكم
أي تجمع عائلي موجود فيه ولد و بنت صغيرين؟؟
اول حاجه بيقولوها للولد ايه عايز تطلع ايه يا حبيبي لما تكبر
نص العيال المفترية بتقول ظابط و اللي عنده وعي شوية يمكن يقولك دكتور
جيل المستقبل بأه يا سيدي عنعمل ايه؟
البنوته الصغيره بيقولولها ايه؟؟؟.
نجوزك حماده يا سوسو لما تكبري ..والا تتجوزي ابيه خالد؟؟
تبص البنت بغباء كده و تقولهم ..أناهاتجوز بابا
و الكل يتفتح في الضحك و يخلص الموضوع على كده
و تطلع البت من صغرها يجيبولها عروسة
تسرحها و تلبسها الفرحه و تزفها
و اي بنت في اي مجتمع تلاقي اول لعبه نفسها تلعبها عروسة و عريس
تعالوا نشوف الحوارات دى
1:هو انت معاكي ايه
:2 معايا جوزين غوايش و ماشاءالله
م1:لأ يعني معاكي عيال ايه
م2: لا انا لسه ماتجوزتش
م1: يا عييييييني
بيئة تانية و مستوى تاني
م1: وانت معاكي ايه دلوقتي
م2:معايا ماجستير و باحضر في الدكتوراه
م1:لأ قصدي معاكي عيال ايه؟
م2: لأ انا لسه ماتجوزتش
م1: يا عيييييييني
بيئة تالته و مستوى تالت
م1: وانت معاكي ايه دلوقتى
م2: انا معايا شيروكي 4*4
م1: لأ قصدي معاكي تشيلدرين ايه؟
م2:نو ..أنا لسه ماتجوزتش
م3:أوه ماي جود ..هاااانييييي
هى دى الحوارات في كل المستويات
ولا يوجد اي نجاح في اي مجال يقدر يحل محل الزواج بالنسبة للبنت الشرقية
طب و اللي مش لاقيه و اللي فاتها القطر و اللي بارت على رأي الناس مابتقول
يبقى مالهاش لازمة ..تروح تولع في نفسها يعني؟؟
هي غالبا ما بتبقاش مستعده لا نفسيا و لا علميا و لا اقتصاديا لللحظه دي
كل الناس بيقولولها هتتجوزي يعني هتتجوزي
و ساعة لما مايحصلش .مابتلاقيش حواليها غير نفسها و بس
بعد مالنسبة زادت و بقى عدد اللي لسه قاعدين بالملايين
لازم كل البنات يحبوا نفسهم و يدوروا ع النجاح في كل الأماكن
و يعيشوا حياتهم على انها حياتهم مش على أساس انها تتر لمسلسل لسه مابتداش
ولازم المجتمع يبطل يحصر البنت في دور العروسة و بس
لأنه وقت الجد مش هيقدر يعملها حاجه و هيبقى هو اللي جنا عليها
لأنه فهمها ان ده الطريق الوحيد و مفيش غيره
و هتحس ساعتها ان مالهاش لازمه و انها صفر ع الشمال
ولا ايه رأيكم