**{{{ هشتكنا وبشتكنا يا ريس }}}**

[Salamat]

السلام عليكم
دي بقي قصيده ليه شفتها وعايز اسمع رأيكو
علي فكره انا حرفت فيها حاجه صغيره


هشتكنا وبشتكنا يا ريس

دانتا رئيس والنعمه كويس

الناس مبسوطه ومرتاحه

وبتعيا وبتموت بالراحه

هشتكنا وبشتكنا يا ريس

يابو علاء وعرفت تربي

ابنك خربها عمال بيعبي

ماعوناتهم وصلالك كاش

طب ليه احنا مابنشوفهانش

هاشتكنا وبشتكنا يا ريس

احتفالات اكتوبر جايه

يابو اول طلعه وهميه

علي سينا واللي فيها

ده البانجو و الجنس ماليها

هاشتكنا وبشتكنا يا ريس

في القمه العربيه الجايه

خلي راسك مرفوعه شويه

واطلبلنا كيلو لحمة راس

ننتخبك وبكل حماس

هاشتكنا وبشتكنا يا ريس

بالروح بالدم وهو كله كلام

اوعي تصدق شعبك افلام

بنحبك يا زعيم الامه

نيمنا رضعنا بذمه

هشتكنا وبشتكنا يا ريس

ومصرنا بلد الامان

والسجن ده كله امان

والكهربا والضرب كمان

يا جماعه قالوهالنا زمان

كفايه

منقول

[قمر فلسطين]

هههههههههههههههههههههههه

هاشتكنا وبشتكنا يا ريس

ما تهشتكنا يا ريس

حلوة يا سلااااامات

يسلمووووووووووووووو

[Salamat]

شكرا قمر شكرا مني
وهشتكنا وبشتكنا يا ريس

[عاليـة]

هههههههههههه

طبعا محرفة اوى بس للحقيقة اللى يعرفها الجميع

تسلم اخى للكلمات الحلوة

تحياتى

[Salamat]

شكرا عاليا ويعني مش محرفة كتير بس حلوة ومقبولة

[smsm judo]

شكرا عاليا ويعني مش محرفة كتير بس حلوة ومقبولة

تيجى انشرلك الاشد
ولا هيعتقلونا

[Salamat]

تيجى انشرلك الاشد
ولا هيعتقلونا

الحقني بيها علي طول
اوعي تعاوء دانا متشوئ
بسرعة يا سمسم ولو عايز علي الخاص ابعتهالي

[smsm judo]

الحقني بيها علي طول
اوعي تعاوء دانا متشوئ
بسرعة يا سمسم ولو عايز علي الخاص ابعتهالي

ههههههههههههه
ماشى
انت تأمر
استنى عليا

[Salamat]

وانا مستنيك وراجعلك

[pink life]

هههههههههههههههههههههه
يا سلام عالريس

[المحب لله]

الله ياخده هو وابنه معاه ويريح مصر من بلوه

[Salamat]

هههههههههههههه

[admin]

ربنا يحمي الريس وابنة
والله انتم متنعمين بالامن والامان وهذي اكبر نعمة والله ولو حصل لة حاجة حتشوف جمهورية الصعيد وجمهورية الاخوان وجمهورية الاقباط جميع المرشحين كل واحد يوعد بحاجة ويهبر بحاجة ثانية والثاني لية لانة وصل للحكم وهو جوعان ومايملك حاجة ولابد ان يؤمن نقسة قبل الرحيل ومستحيل يكون افضل من الاول وياريت ان الواحد لما يحس بالنعمة ان يحمد الله عليها ولما تزول النعمة صعب ترجع ثاني
وربنا يحمي الريس ويدية الصحة والعافية ويديم على مصر نعمة الامن والامان
طبعا كلامي مايعجبكم
ربنا يهدي الجميع

[Salamat]

اكيد طبعا ما يعجبنا
لماذا لا يعجبنا الحقيقة التي يجب أن يدركها الجميع اني لا نكرة محمد حسني مبارك و لكنني اقف ضد إستبداده بالسلطة لمدة 24 عاما و ضد تجاوزات حاشيته التي هو مسئول عنها أيضا و عن طغيانها و ظلمها فتكها بشعب مصر و لو كان هناك مصري أخر أي كان إسمه و فعل نفس الشيء لوقفت في وجهه أيضا .
ممكن يكون حسني مبارك راجل طيب و بيبتسم في وجه الناس و يطبطب على ده و ده و إبن حلال و با با و ماما و انور وجدي وكل تلك التعليقات التي تسمعها من المصريين البسطاء متأثرين بالصورة التي يقدمها لنا الإعلام المصري المضلل و لكن كل ذلك لا ينفي أو يغفر لهذا الشخص أنه أساء إلينا و انه كان يعلم تماما عدم قدرته على الإستمرار لانه ببساطة لم يكن يملك الرؤية و الطموح اللازم ليدفع بمصر للأمام و حالنا الآن هو أكبر دليل على فشله الإقتصادي و الإجتماعي و حتى السياسي و الأدهى هو إصراره على الإستمرار سواء هو او تجهيز ابنة من خلال مسرحية هزلية تسمى إنتخابات الرئاسة نعرف جميعا نتائجها مسبقا و لذلك بدأ المصريون الذين يدركون تلك الحقائق وان من يتحرك او يقول لا في محاولة لتغيير الوضع الحالي لن يجد غير القمع و الضرب و السحل والسجن والمعتقل الذي يقوم به كلاب الحراسة لماذا لانة يقول لا .
لكل هذا تري هذة النكت والاستهزاء لرئيس لا فائدة منة من يوم ما مسك وهو يقول الرخاء وحياة كريمة للشعب من خمس ولايات والنتيجة لا شئ غير كل يوم يمر هو اسواء من الذي قبلة
و اما ما تقولة عن جمهورية الصعيد وجمهورية الاخوان وجمهورية الاقباط اة نعم هناك من يتربص بمصر ولكن لن ينفع ذالك فمصر مختلفة عن اي بلد عربي .
وياريت تتذكر انة هناك الان في مصر من ينتحر بسبب ظروفة وهناك من يبيع اولادة وهناك من يبيع كليتة كل ذالك بسبب اية الرجاء والامن والامان
زمان كانوا يخوفون الاطفال بابو رجل مسلوخة
والان بيخوفونهم بالعسكري حتي وصل الامر ان هذا الشرطي مهما كانت رتبتة فتجبر واصبح وكانة الحاكم بامر اللة
كلاب الريس بترمي الناس من بيوتهم من الدور التالت والرابع بسبب اشتباة في الاسم او لان واحد صاحب ضابط اتخانق مع واحد فيتصل بالضابط صاحبة ويدخلوا علية غرفة نومة ويضربوة ويرموة في الدور الرابع لماذا في اي دين بيحصل دة
عند الكفرة لا تجد هذا ابدا
ومن الاخر طول عمري بقول انها حكومة حرامية وبتعلم الناس السرقة
وتعالي شوف اللي بيحصل في مصر كلة بيسرق كلة والرشاوي في كل شي وتقولي امن وامان وهذة هي نتيجة الحكم الغلط

ولا تنسي انة في اغني بلد عربي واكبر بلد مصدر للبترول هناك فقراء اشد فقرا من فقراء مصر
وهذة ايضا هي نتيجة الحكم الغلط

[إشراقه]

الكلام دا عننا
وكمان يودى فى داهية
بس واللة احنا فعلا متهشتكيييييييييييين قوى
قوى قوى
قوى
هة كفاية قوى والا اقعد اقولها من هنا لبكرة