((ياسميــنا..على كرسى الاعتراف))

[smsm judo]

بسم الله الرحمن الرحيم


السلام عليكم ورحمه الله وبركاته



عاد اليكم من جديد كرسى الاعتراف الذى كانت تقدمه لكم كل اسبوع الاخت جمره غضى
ولانها لم تعد موجوده بيننا الان ونتمنى عودتها قريبا .
سأقوم بالنيابه عنها بتقديمه اليكم كل اسبوع واتمنى ان شاء الله ان يحوز على اعجابكم كمان كان فى الماضى .


وهذا الاسبوع معى لكم ضيفه معروف عنها الطيبه ...التسامح...خفه دمها الجميله
وبردو ان شاء الله هتكون صريحه زى ماعودتنا قبل كده

عاوزين نتكلم معاها الاسبوع ده ونعرف عنها كل حاجه تخصها
وهى مش هتمانع عن الاجابه للاى سؤال

معى ومعكم هذا الاسبوع

ياسميـــــــــنا

وعارفين انتم طبعا الشعار

(الكل يدخل شمال على طول)

[smsm judo]

وطبعا قبل اى شىء لازم ياسمينا تعرفنا بنفسها


الاسم:-

السن:-


محل الميلاد:-


محل الاقامه:-


المؤهل:-


المهنه:-


الحاله الاجتماعيه:-

[ياسمينا]

شكرا يا هيثم على استضافتك لى وعلى الكلام الحلو الى قولته عليه
اوعى يكون مجاملة ادبحك انا
ويا مسهل وبالله نستعين بس براحة عليه يا جماعة

الاسم:- ياسمينا

السن:- سؤال لا تحب المراة الافصاح عنه سبها مستورة باة يا هيثم

محل الميلاد:- الكويت


محل الاقامه:- الكويت


المؤهل:- ليسانس اداب قسم اجتماع


المهنه:- عاطلة عن العمل ولله الحمد


الحاله الاجتماعيه:- مخطوبة

كدة تمام يا هيثم ربنا يستر باة على الى جى

[smsm judo]

شكرا يا هيثم على استضافتك لى وعلى الكلام الحلو الى قولته عليه
اوعى يكون مجاملة ادبحك انا
ويا مسهل وبالله نستعين بس براحة عليه يا جماعة

الشكر ليكى انتى طبعا على قبول الدعوه
وكلامى مش مجامله وكل الناس عارفه اخلاقك

السن:- سؤال لا تحب المراة الافصاح عنه سبها مستورة باة يا هيثم

هههههههههه ماشى حقك بردو


يلا نبدء:-


عاوز اعرف ايه رائيك فى موضوع وفاء والى حصل من كل الجوانب؟؟



كان ايه تعليقك على موضوع حنونه الالحان الى هو سبب المشكله؟؟


انتى شايفه ان الاداره اتصرفت بحكمه فى هذا الموضوع؟؟


راجع تانى اكيد ان شاء الله

[ياسمينا]

يلا نبدء:-
ربنا يستر

عاوز اعرف ايه رائيك فى موضوع وفاء والى حصل من كل الجوانب؟؟
حلو السؤال يا هيثم
انا حاسة ان وفاء انظلمت وانا شايفة ان وفاء عملت الصح ووفاء الصراحة الى كانت بتساعدنى فى اى مشكلة تواجهنى فى المنتدى وكانت بتنبهنا جميعا اذا قصرنا فى حق ساحتنا يعنى كانت مخلصة فى منصبها
المهم كلمتى الاخيرة فى هذا الموضوع وهو رجاء للادارة بان ترجع وفاء كما كانت فهى تستحق اكثر من ذلك



كان ايه تعليقك على موضوع حنونه الالحان الى هو سبب المشكله؟؟
معروف طبعا كنت ضد ما كتبته حنونه


انتى شايفه ان الاداره اتصرفت بحكمه فى هذا الموضوع؟؟
موضوع اية بالضبط ياريت يكون محدد السؤال فى اية بالضبط
الادارة اكيد بتعمل اى حاجة لصالح المنتدى فربنا يوفقهم ويخدوا القرار السليم وميشلوش ناس ادت للمنتدى وكانوا خير عون للاعضاء

راجه تانى اكيد ان شاء الله

كفاياك باة يا هيثم انت من اولها داخل شمال عليه
بس اسالة حلوة

[smsm judo]

انتى شايفه ان الاداره اتصرفت بحكمه فى هذا الموضوع؟؟
موضوع اية بالضبط ياريت يكون محدد السؤال فى اية بالضبط
الادارة اكيد بتعمل اى حاجة لصالح المنتدى فربنا يوفقهم ويخدوا القرار السليم وميشلوش ناس ادت للمنتدى وكانوا خير عون للاعضاء



سؤالى واضح ياسمينا

وهوضحه اكتر


انتى شايفه ان الاداره اتصرفت بحكمه فى موضوع سحب الاشراف من وفاء وقبلها سلامات وهل كل الحكايه تستاهل القرارات دى؟؟

اظن كده بقى واضح!!

[romio_love]

انا جيت يا يسمينا وشويه وحجي اسئلك لغايه متكرهي اليوم الي قعتي فيه على الكرسي هههههههههههههههه

[قمر فلسطين]

يا مية هلا ياسمينا نور كرسي الاعتراف
و ان شاء الله يكون مريحك و لو مضيقة قولي عشان اجيب النجار هههههههههه

و هاي اسالتي >>>>


1* تعريف طويل عريض عن ياسمينا لا يقل عن خمس اسطر
2* لحظة تتمنينها ان تتكرر؟؟
3*خطا لا تودين الوقوع فيه؟؟

[alaeta 3003]

مرحبا ياسمينا انا جديد على الساحة واتمنى من كل الاحباب انو يقبلو فيني كأخ او صيق
طبعا على كرسي الاعتراف ما في ترحيب مثل كرسي الاعتراف في المخابرات العربية ههههههه
بسم الله
يا ياسمينا ايش احلى موقف مر عليكي ؟
والاسئلة الباقية جاي با الطريق
سلام

[romio_love]

مرحبا ياسمينا انا جديد على الساحة واتمنى من كل الاحباب انو يقبلو فيني كأخ او صيق
طبعا على كرسي الاعتراف ما في ترحيب مثل كرسي الاعتراف في المخابرات العربية ههههههه
بسم الله
يا ياسمينا ايش احلى موقف مر عليكي ؟
والاسئلة الباقية جاي با الطريق
سلام


انت من غير ماتقول اخونا وتشرفنا ويلا عايزين نشوف اسئلتك لياسمينا

[ياسمينا]

شكرا يا هيثم على التوضيح وبراحة يابنى متزقش
بص يا هيثم الموضوع خلص وانتهى وعلى راى العارف عايزين شوية هدوء وسلام
كان اهم حاجة عندى رجوع وفاء الى المنتدى وحصل والحمد الله
اى خدمه

[ياسمينا]

اهلا بيك يا روميو وانت تشرف فى اى وقت يا سيدى وحكره لية يعنى كلنا لها

[romio_love]

اهلا بيك يا روميو وانت تشرف فى اى وقت يا سيدى وحكره لية يعنى كلنا لها

انابهزر معاكي

[ياسمينا]

قمر فلسطين
يا مية هلا ياسمينا نور كرسي الاعتراف
و ان شاء الله يكون مريحك و لو مضيقة قولي عشان اجيب النجار هههههههههه

لالالا حلو يا قمر وكرسى هزاز كمان يعنى مش اى اى ولا زى زى تيجى تجربيه شوية اهلا بيكى يا قمر وربنا يستر

و هاي اسالتي >>>>
اشجينى


1* تعريف طويل عريض عن ياسمينا لا يقل عن خمس اسطر
لالالالا كتير خمسة اسطر يا قمر بصى يا ستى انا انسانه بسيطة وبحب البساطة وبحب الناس وبحب احل مشاكل الناس _عصبيه بس والله قلبى طيب وربنا اعلم والحمدالله على كل شئ

2* لحظة تتمنينها ان تتكرر؟؟3
ان تحمل اختى الكبرى مرة اخرى وتجبلنا بنت باة


*خطا لا تودين الوقوع فيه؟؟
ان اقابل اناس او اصادقهم وهم لا يستحقون الصداقة
وان تحترم اناس لا تحترم انفسهم

كدة تمام يا قمر واشكركى على المرور وعلى الاسئلة

[ياسمينا]

3003alaeta
مرحبا ياسمينا انا جديد على الساحة واتمنى من كل الاحباب انو يقبلو فيني كأخ او صيق

اهلا بيك يا اخى معنا فى المنتدى وطبعا انت صديق واخ لنا كلنا


طبعا على كرسي الاعتراف ما في ترحيب مثل كرسي الاعتراف في المخابرات العربية ههههههه
امرنا لله وبلاش ترحيب يابنى ربنا يستر


بسم الله
يا ياسمينا ايش احلى موقف مر عليكي ؟
عند ولادة اختى الكبيرة وعندما رايت ابن اختى وهو صغير ربنا يحفظه يارب

والاسئلة الباقية جاي با الطريق
وانا فى الانتظار

سلام
سلام

[ياسمينا]

ياروميو انا عارفة انك بتهزر ولا يهمك يا عم

[هيلانة]

انت على الكرسي ياسمينا ,..يا عم ..!!
طيب شو رايك اسالك سؤال يعني اذا ممكن يا قمرعلشان
احلي الموضوع احم احمww5 ..؟!!!
امتى بتكون احلى لحظة بحياتك ورح تكوني اسعد انسانة وهيك طايرة ..؟؟!!
بس كدة ..تصوري ..!؟!
:bg

[ياسمينا]

هيلانة
انت على الكرسي ياسمينا ,..يا عم ..!!
على اية بس دة ربنا يستر يا هيلانة ونطلع منها سلام انتى ازيك يابنتى فينك من زمان
اهلا بيك يا هيلانة معايا هنا فى الكرسى يابنتى

طيب شو رايك اسالك سؤال يعني اذا ممكن يا قمرعلشان
احلي الموضوع احم احم ..؟!!!
يابنتى انت تنورى فى اى وقت وتسالى الى انت عايزاه ولو

امتى بتكون احلى لحظة بحياتك ورح تكوني اسعد انسانة وهيك طايرة ..؟؟!!
بس كدة ..تصوري ..!؟!
انا بكون كدة حقيقى يا هيلانة مع سيف ابن اختى
وكمان بكون كدة عندما احب

اى خدمه كدة تمام يا هيلانة نورتينى والله تحبى اجبلك حاجة ساقعة ولة سخنه علشان القاعدة تحلو

[هيلانة]

هيلانة
انت على الكرسي ياسمينا ,..يا عم ..!!
على اية بس دة ربنا يستر يا هيلانة ونطلع منها سلام انتى ازيك يابنتى فينك من زمان
اهلا بيك يا هيلانة معايا هنا فى الكرسى يابنتى

طيب شو رايك اسالك سؤال يعني اذا ممكن يا قمرعلشان
احلي الموضوع احم احم ..؟!!!
يابنتى انت تنورى فى اى وقت وتسالى الى انت عايزاه ولو

امتى بتكون احلى لحظة بحياتك ورح تكوني اسعد انسانة وهيك طايرة ..؟؟!!
بس كدة ..تصوري ..!؟!
انا بكون كدة حقيقى يا هيلانة مع سيف ابن اختى
وكمان بكون كدة عندما احب

اى خدمه كدة تمام يا هيلانة نورتينى والله تحبى اجبلك حاجة ساقعة ولة سخنه علشان القاعدة تحلو

ههههههههههه
اه يا ريت حاجة ساقعة يعني ..اذا ممكن ..!؟!!
تسلمي كلك زووووء وردك حلوو يا قمر ..
وان شاء الله بالتوفيق ...وتلاقي الحب الصادق ..!؟!!
أرق تحياتي ليكي يا عسل ..
:)

[ياسمينا]

لا الحمدالله لاقيته بس ربنا يهدينى ادعيلى انت بس
ويابنتى انتى زى اختى تنورينى فى اى وقت

[romio_love]

حكمت المحكمه على ياسمينا باالاشغال المريحه لمده اسبوع على كرسي الاعتراف مع سبق الاسراء والتصور

السوال الاول _ انتي عمرك كذبتي في حياتك ولو كذبتي ممكن تحكلينا ايه السبب الي خلاكي تكذبي ؟

السوال الثاني_ ممكن نعرف ايه قصه الحب الي انتي شاغله تفكيرك واعرفتيه ازاي ؟معلش هو سوال محرج لو مش عاوزه تجاوبي عليه عادي

السوال الثالث_ ايه الي عجبك في المنتدى 123 بالتحديد وخلاكي تشتركي فيه؟


السوال الرابع_ ايه اكلتك المفضله؟
بس ياريت متكونش زي وفاء بسكوت مالح وعصير طبيعي


السوال الخامس_ايه اكتر شخصيه عجبتك في المنتدى واسر\تريحتي معاه او معاها في الكلام ؟

على فكره الاسئله لسه مخلصتش جاوبي على دول الاول وبعدين نكمل الباقي انا حقوم اعمل اثنين كركديه ليه وليكي واجي تاني

[smsm judo]

انا جيت ياسمينا

سؤالى النهارده

ازيك عامله ايه؟؟

[وفـــاء]

وينك ياسمينا

السلام عليكم ..؟

كيفك وشو أخبارك ..؟


ياسمينا :

*أمنيه تتمنين تحقيقها ..؟

*متى تكـــوني شخصه حنـــونه ؟ ومتى تكـــوني قـــاسية ؟

*إحساسك عندما تشعرين بأن الشخص الذي أمامك لم يفهمك ؟

*ماذا تعني لكِ أبتسامة الطفل ؟

*هواياتك والتي تمارسينها وقت الفراغ..؟

*عضو تشعرين انه يتجنب مواضيعك.؟

*غيرتي اسمك في المنتدى فماذا سيكون البديل أو الاخر.؟

*كيف تصفين شخصيتك.؟

*لك اسلوب جميل في المداخلات ودم خفيف في المشاغبات ..
هل هذا هو طبيعة شخصية (ياسمينا) ام ان الجلوس خلف شاشة الكمبيوتر
تعطيك الشجاعة الكافية لمثل هذه الاسلوب كما يحصل للبعض؟

*هل حصل ان اتخذتي قرار وندمتي عليه؟

*شعارك في هذه الحياة...؟


وبإذن الله لي عوده ،،

[smsm judo]

خفى على البت شويه يا حجه
يالى فوق

[ياسمينا]

روميو
حكمت المحكمه على ياسمينا باالاشغال المريحه لمده اسبوع على كرسي الاعتراف مع سبق الاسراء والتصور

ماشى يا روميو الحمدالله مريح مش شاق

السوال الاول _ انتي عمرك كذبتي في حياتك ولو كذبتي ممكن تحكلينا ايه السبب الي خلاكي تكذبي ؟
بص يا روميو الصراحة انا لا احب الكذب ولا احب احد ان يكذب على ولو حد كذب على مش بصدقه بعد كدة خالص ولو كان صادق وطبعا مش معقول اكون احب الكذب او ان اكذب ما دام الانسان ماشى صح ومش بيخاف يبقى يكذب لية؛ بس اكيد ساعات الانسان بيطر انه يكذب كذبه بيضاء لعدم زعل شخص عزيز عليه خير كدة لا

السوال الثاني_ ممكن نعرف ايه قصه الحب الي انتي شاغله تفكيرك واعرفتيه ازاي ؟معلش هو سوال محرج لو مش عاوزه تجاوبي عليه عادي
يا سيدى انا بحب خطيبى واتعرفنا على بعض لما كنت فى مصر والحمدالله

السوال الثالث_ ايه الي عجبك في المنتدى 123 بالتحديد وخلاكي تشتركي فيه؟
الصراحة عاجبنى فيه المواضيع والاعضاء والحب الى كان موجود بينهم


السوال الرابع_ ايه اكلتك المفضله؟
محشى كرنب وفته نفسى فيهم ما تبعتلى حلة كدة يا روميو واكسب فيه ثواب

بس ياريت متكونش زي وفاء بسكوت مالح وعصير طبيعي
هههههههههه لالالالا دة اكل الى عايزين يعملوا رجيم العصافير دة اكل مينفعنيش خالص
مع احترامى طبعا لوفاء


السوال الخامس_ايه اكتر شخصيه عجبتك في المنتدى واسر\تريحتي معاه او معاها في الكلام ؟
هيثم اكيد ووفاء دول اكتر اتنين بكلمهم وبحب اكلمهم

على فكره الاسئله لسه مخلصتش جاوبي على دول الاول وبعدين نكمل الباقي انا حقوم اعمل اثنين كركديه ليه وليكي واجي تاني
حلو انا مستنيه يا روميو ولون العصير لغاية دلوقتى مجاش
اسالتك حلوة ومستنياك

[ياسمينا]

هيثم
انا جيت ياسمينا
نورت البيت يا هيثم

سؤالى النهارده

ازيك عامله ايه؟؟
الحمدالله يا هيثم كويسة وانت عامل اية
تعبت نفسك لية يا هيثم بس ايدك يابنى

[ياسمينا]

وفاء
وينك ياسمينا
انا هنا يا وفاء مرحتش بعيد والله

السلام عليكم ..؟
وعليكم السلام

كيفك وشو أخبارك ..؟
الحمدالله تمام نشكر الله على كل حاجة


ياسمينا :
نعم ربنا يستر

*أمنيه تتمنين تحقيقها ..؟
ان يكون اختيارى صح فى زوج المستقبل وان يرزقنى الله بالذرية الصالحة

*متى تكـــوني شخصه حنـــونه ؟ ومتى تكـــوني قـــاسية ؟
حنونه مع ابن اختى ومع اى طفل_قاسية مع ناس غير محترمة ومع اى شخص يسئ لى او لاهلى او لدينى او لوطنى

*إحساسك عندما تشعرين بأن الشخص الذي أمامك لم يفهمك ؟
اشد فى شعرى واصوت وافضل افهم فيه لغاية ما يفهم يا لهوى

*ماذا تعني لكِ أبتسامة الطفل ؟
احلى ما فى الوجود وتجعلنى احس انى اسعد مخلوقه فى الكون الاطفال دولة احب ما عندى

*هواياتك والتي تمارسينها وقت الفراغ..؟
الخياطة والاعمال اليدوية

*عضو تشعرين انه يتجنب مواضيعك.؟
والله يا وفاء والصراحة مبخدش بالى والله
وياستى الى عايز يدخل يدخل ولى مش عايز عادى يعنى كل واحد وحريته

*غيرتي اسمك في المنتدى فماذا سيكون البديل أو الاخر.؟
المراه الغامضة

*كيف تصفين شخصيتك.؟
قوية وعصبية وفى نفس الوقت طيبة والله ودة الى مودينى لورى بس الحمدالله

*لك اسلوب جميل في المداخلات ودم خفيف في المشاغبات ..
هل هذا هو طبيعة شخصية (ياسمينا) ام ان الجلوس خلف شاشة الكمبيوتر
تعطيك الشجاعة الكافية لمثل هذه الاسلوب كما يحصل للبعض؟
اولا اشكركى على اطرائكى
ثانيا يابنتى وربنا لوحده اعلم انا معرفش امثل والله انا مبينه على طبيعتى والله

*هل حصل ان اتخذتي قرار وندمتي عليه؟
اة حصل بس مش عايزة افتكر

*شعارك في هذه الحياة...؟
من يتقى الله يجعل له مخرجا


وبإذن الله لي عوده ،،
ان شاء الله يا وفاء انت تنورينى والله واشكركى على الاسئلة الحلوة دة

[ياسمينا]

هيثم
خفى على البت شويه يا حجه
يالى فوق

عادى والله يا هيثم كلنا لها يابنى

[smsm judo]

نقول مساء الفل على الفل


ونبدء الاسئله:-


ماهو الشىء الذى معه تحسى بالاهانه لنفسك؟؟


ماذا فعل فيكى ابتعادك عن مصر فترات طويله؟؟


حاله تودين ان تعيشى فيها ولا تخرجى ؟؟


ازيك النهارده عامله ايه ؟؟


من هو حامل اسرارك الخاصه جدااا؟؟


ايه اكتر شىء بيضحكك؟؟


ايه اكتر شىء يبكيكى؟؟


كفايه ولا اكمل؟؟


مين يعرف باسوورد ايميلك؟؟


عضو وحشك ونفسك يرجع من تانى؟؟


ذكرى تتمنى ان تنسيها ولا تقدرين؟؟


يلا خلاص شطبنا



راجع

[وفـــاء]

خفى على البت شويه يا حجه
يالى فوق

شو ما انا ماشيه بشويش..!!


مرحبا ياسمينا


الاسئله..!


* تخيلى العالم يصغي إليكـ بهذة اللحظة , ماذا ستقولى ؟؟

* مخزونك الفكري ماذا يحوي لتطوير شخصية ( ياسمينا ) ؟؟

* ما هي المعايير التي تبني عليها علاقاتك بالآخرين ؟

* ما هي الفوائد التي خرجتى بها من دخولك لعالم المنتديات وماذا أخذت منك ؟

* من هو الشخص الذي تشعرين من خلال قرأتك لمواضيعه بأنه يشبهك ؟؟

* ( ياسمينا ) هل راضية عن حياتها الحالية...وهل تشعري بأنها قدّمت شيئا في حياتها سيُذكر يوما ما..؟

* ما الشي اللي لو صار بتكونى اسعد انسان بالدنيا ؟؟

* هل مرت بك لحظة تمنيتى العالم يتوقف فيها ؟؟ وتمر بسلام ؟؟

* في وسط فوضى الحياة ما الذي يرسم لكِ "بسمة"؟

* من الاعضاء الاقرب لكـ , ومن هو العضو الذي تفتقديهـ دوما ؟

* متى تحاولى ان تلفتى للوراء والذي يجري خلفكـ ؟

* متى يحين لكـ وقت الانعزال عن نفسكـ تماما ؟؟

* كيف ستتعاملى مع من خذل إحساسكـ ؟

* متى قلتى ,,, اخ منك يادنيا !! ما بترحمي !! ؟؟

* كلمة إعجاب وتقدير لمن تقوليها ؟

* هل عندك شي محتفظه به ليومنا هذا منذ كنت صغيرة و ماهو؟

* سؤال تودين طرحه على أحد الأعضاء ولكن هناك ما يمنعك؟؟

* ما هو احلى مسلسل كرتوني تابعتيه بجد وحبيتيه ؟



يتبع

[moni2]

أعتذر يا ياسمينا عن التأخير بس أعمل ايه المواصلات

طيب جاهزة لأسئلتي

طيب نبدأ

1. هل تأخذين انطباعك عن الشخص من النظرة الأولى

2. أهمية المظهر الخارجي لمن تتكلمين معه أول مرة

3. معروف عنك خفة الدم واللطافة بالردود هل هي شخصيتك الحقيقية

4. مين أكثر انسان موجود في المنتدى وحابي انك تشوفيه أو انسانة طبعا

5. القناعة كنز لا يفنى ، هل أنت قنوعة أم متطلبة

6. اللون المفضل عند ياسمينا شو هو

ولي عودة ثانية انتظريني

[ياسمينا]

نقول مساء الفل على الفل
مساء ورد وياسمين يا هيثم


ونبدء الاسئله:-
وبالله نستعين


ماهو الشىء الذى معه تحسى بالاهانه لنفسك؟؟
والله يا هيثم ولله الحمد مبحطش نفسى فى الموقف دة



ماذا فعل فيكى ابتعادك عن مصر فترات طويله؟؟
لالالالالالا الحمدالله مش فترات طويلة انا بنزل كل مدة كدة بس حقيقى مصر بتوحشنى وريحة بحبر اسكندرية بتوحشنى وحعمل اية يا هيثم غير الصبر والدعاء


حاله تودين ان تعيشى فيها ولا تخرجى ؟؟
طبعا الحب يا هيثم


ازيك النهارده عامله ايه ؟؟
تمام الحمد الله بس حسه بتعب بس الحمدالله على كل شئ


من هو حامل اسرارك الخاصه جدااا؟؟
اخواتى اكيد


ايه اكتر شىء بيضحكك؟؟
وابن اختى سيف بيضحكنى من قلبى


ايه اكتر شىء يبكيكى؟؟
الحالة الى وصلنا فيها كعرب مسلمين والى بيحصل فى فلسطين والعراق ولبنان واحنا قاعدين بتفرج ربنا يغثنا جميعا


كفايه ولا اكمل؟؟
زى ما تحب يا هيثم كلنا لها


مين يعرف باسوورد ايميلك؟؟
ولا نفر


عضو وحشك ونفسك يرجع من تانى؟؟
منجير_امانى_اسامة_لينا


ذكرى تتمنى ان تنسيها ولا تقدرين؟؟
ذكرى مش عايزة افتكرها


يلا خلاص شطبنا
كله يروح بيته



راجع
وانا بالانتظار وشكرا لك على الاسئلة يا هيثم

[ياسمينا]

مرحبا ياسمينا
مرحبا وفاء


الاسئله..!
هاتى ما عندك


* تخيلى العالم يصغي إليكـ بهذة اللحظة , ماذا ستقولى ؟؟
ارحمونا يا ناس شوية وخلينا نعيش بسلام باة

* مخزونك الفكري ماذا يحوي لتطوير شخصية ( ياسمينا ) ؟؟
يكفى الى ما لا نهاية واهم حاجة اننا نكسب خبرة


* ما هي المعايير التي تبني عليها علاقاتك بالآخرين ؟
طبعا الاحترام الثقة التفاهم السليم والحوار السليم

* ما هي الفوائد التي خرجتى بها من دخولك لعالم المنتديات وماذا أخذت منك ؟
لا والله استفدت كتير وعرفت معلومات مكنتش اعرفها والله يا وفاء انك تشاركى فى المنتدى احسن بكتير من الشات وهبله

* من هو الشخص الذي تشعرين من خلال قرأتك لمواضيعه بأنه يشبهك ؟؟
ممكن هيثم مع ان هيثم يفوق عنى بمدى من خلال كتاباته بس ساعات بحس انه زى

* ( ياسمينا ) هل راضية عن حياتها الحالية...وهل تشعري بأنها قدّمت شيئا في حياتها سيُذكر يوما ما..؟
طبعا الحمدالله على كل شئ احنا احسن من ناس كتير والله .......اما الجزء التانى من السؤال للاسف يا وفاء لا بس نفسى اعمله والله علشان الناس تفتكرنى عند مماتى ادعيلى انت باة


* ما الشي اللي لو صار بتكونى اسعد انسان بالدنيا ؟؟
انى اجيب اطفال

* هل مرت بك لحظة تمنيتى العالم يتوقف فيها ؟؟ وتمر بسلام ؟؟
زمان والله يا وفاء وانا فى المدرسة بلاش باة فضايح ابقى اقولهولك بينى وبينك بس الحمدالله مرت بسلام

* في وسط فوضى الحياة ما الذي يرسم لكِ "بسمة"؟
سيف ابن اختى

* من الاعضاء الاقرب لكـ , ومن هو العضو الذي تفتقديهـ دوما ؟
الاقرب هيثم ووفاء _كلكم والله

* متى تحاولى ان تلفتى للوراء والذي يجري خلفكـ ؟
لالالالالالالا الحمدالله مبحبش ابص ورايه

* متى يحين لكـ وقت الانعزال عن نفسكـ تماما ؟؟
لما المشاكل تكتر من حوليه

* كيف ستتعاملى مع من خذل إحساسكـ ؟
لا شئ ابعد وادعو الله بان يعوضنى خيرا

* متى قلتى ,,, اخ منك يادنيا !! ما بترحمي !! ؟؟
لا كتير اوى اوى كمان

* كلمة إعجاب وتقدير لمن تقوليها ؟
للامى ......شكرا لكى

* هل عندك شي محتفظه به ليومنا هذا منذ كنت صغيرة و ماهو؟
اة جوابات صديقتى العزيزة وهى فلسطنية على فكرة اسمها رشا لما كنت فى مصر

* سؤال تودين طرحه على أحد الأعضاء ولكن هناك ما يمنعك؟؟
اة صح ببقى عايزة اسال ميت سؤال لرحال بس لا لان رحال مش اى حد يكلمه معرفش لية وهو غامض جدا

* ما هو احلى مسلسل كرتوني تابعتيه بجد وحبيتيه ؟
كونل بحبه اوى الى وقتنا الحالى واكيد توم وجيرى



يتبع
يا لهوى انا تعبت كل دة اسالة وكل سؤال اصعب من التانى يا لهوى بس حلوين واشكركى عليه يا وفاء

[وفـــاء]

ياسمينا
الله يوفقك ويرعاكي
ويباركلك بعمرك..
بتمنالك السعاده والتوفيق من كل قلبي ..

أنت انسانه بيندر وجودها في هالدنيا ..
بحبك متل اختي ..

واجوبتك .. عكست شخصيه لانسانه نقيه طيبه ..
خلوقه وجدا محترمه..

احترامي لك وايضا حبي للا نهائي..

[ياسمينا]

مونى
أعتذر يا ياسمينا عن التأخير بس أعمل ايه المواصلات
ولا يهمك يا مونى اهم حاجة انك وصلتى بالسلامة

طيب جاهزة لأسئلتي
ربنا يستر

طيب نبدأ
يا مسهل

1. هل تأخذين انطباعك عن الشخص من النظرة الأولى
اة ممكن وتخمينى بيطلع صح بالتحليل

2. أهمية المظهر الخارجي لمن تتكلمين معه أول مرة
اة مهمة اوى عندى فى الاول لان بحس ان طريقة اللبس تعبر بعض الشئ عن الشخصية

3. معروف عنك خفة الدم واللطافة بالردود هل هي شخصيتك الحقيقية
اة والله وربنا اعلم وانا مش بحب امثل خالص وحمثل لية حستفيد اية لما البس فى اقنعه

4. مين أكثر انسان موجود في المنتدى وحابي انك تشوفيه أو انسانة طبعا
كله والله ودة الحقيقه

5. القناعة كنز لا يفنى ، هل أنت قنوعة أم متطلبة
الحمدالله وربنا اعلم انا قنوعى لابعد حد

6. اللون المفضل عند ياسمينا شو هو
الاسود بحبه جدا

ولي عودة ثانية انتظريني
وانا فى الانتظار واسعدنى مرورك يا مونى والله وشكرا على الاسئلة بس براحة عليه ونبى

[ياسمينا]

يا لهوى انتى كدة يا وفاء حتخلينى اعيط
كل دة انا
والله انا سعدت بكلامك دة ويارب اكون كدة يارب
ومفيش احلى من دعوة حلوة خالصة لوجه الله
اشكركى يا وفاء وانتى اعلم انت اخت عزيزة على

[smsm judo]

ربنا يديم عليكى طيبتك واخلاقك العاليه دى ياسمينا
ويبارك فيكى ..


اسئلتى للنهارده:-


بتشجعى الاهلى ولا الزمالك؟؟


عدد ساعات جلوسك امام الكمبيوتر كم ساعه تقريبا؟؟






ماذا تستفيدى من جلوسك امام الكمبيوتر وتصفح الانترنت؟؟


بعد الزواج هل ستستمرى فى الجلوس على الكمبيوتر؟؟


ايه اكتر موقع بتحبى تتصفحيه على الانترنت يوميا؟؟


لما كانو بيسالوكى وانتى صغيره تحبى تطلعى ايه كنتى بتقولى ايه؟؟


راجع تانى

[ياسمينا]

ربنا يديم عليكى طيبتك واخلاقك العاليه دى ياسمينا
ويبارك فيكى ..
يابنى الكلام دة كبير عليه اشكرك على الكلام دة وربنا لوحده اعلم


اسئلتى للنهارده:-
هات ما عندك

بتشجعى الاهلى ولا الزمالك؟؟
طبعا الاهلى مش عايزة كلام الاهلى حديد يابنى


عدد ساعات جلوسك امام الكمبيوتر كم ساعه تقريبا؟؟
بقعد بليل بس يا هيثم وبحاول انى مكترش يعنى






ماذا تستفيدى من جلوسك امام الكمبيوتر وتصفح الانترنت؟؟
لا بستفاد كتير والله والحمدالله يا هيثم يعنى بستفاد معلومات واخبار والحاجات الجديدة عن الخياطة والاعمال اليدوية


بعد الزواج هل ستستمرى فى الجلوس على الكمبيوتر؟؟
الصراحة لا مش حقدر والله اعلم يا هيثم ممكن اقعد


ايه اكتر موقع بتحبى تتصفحيه على الانترنت يوميا؟؟
طبعا المنتدى بتاعنا دة بحبه جدا وبعدها معنديش موقع معين بس بدور عن اى موقع يختص بالخياطة


لما كانو بيسالوكى وانتى صغيره تحبى تطلعى ايه كنتى بتقولى ايه؟؟
دكتورة بس الحمدالله طلعت فى الاخر عاطلة



راجع تانى
وانا فى الانتظار

[Dr.Hamzeh Malkawi]

الآن دوري بالأسئلة :
* إحكيلنا جملة بالإسكندراني .؟.

* شو أضاف إلِك هذا المنتدى ؟.

* شو أحلى بلد زرتيها غير الكويت ؟ .

* شو البلد اللي حابة تزوريها .؟.

* هل أنتِ بطبعِك هادئة كما هو بالمنتدى .؟.

* كاذا تقولين عن ( الحب ) ..؟.
مش رح أكثر عليكِ أسئلة وراجعلِك إن شاء اللّه .

[alaeta 3003]

مرحبا ياست الحلوين
بس سؤال بس يا ريت اتردي علية بصراحه
انت بتردي علينا بلفظ ( با ابني " يا بنتي ) انا واصدقائي حابين نعرف اديش عمرك
علشان نحكيلك ( يااااخالتي ) يا سمينا ممكن هذا الظاهر
وشكرا
تحياتي يا خالتي

[ياسمينا]

الدكتور حمزة
الآن دوري بالأسئلة :
والله انا فرحانه بدخولك يا دكتور واللة
* إحكيلنا جملة بالإسكندراني .؟.
ايوهههههههههه يا جدعان
* شو أضاف إلِك هذا المنتدى ؟.
اضاف طبعا لية انى اكتسبت اصدقاء وانى استفت معلومات كتير

* شو أحلى بلد زرتيها غير الكويت ؟ .
مصر الصراحة ومفيش احلى من مصر

* شو البلد اللي حابة تزوريها .؟.
مصر برده يا دكتور يعنى مناطق معينه نفسى اروحها زى شرم الشيخ والغردقة والاقصر

* هل أنتِ بطبعِك هادئة كما هو بالمنتدى .؟.
والله انا زى ما انا يا جماعة دة طبعتى لا اعرف امثل والله

* كاذا تقولين عن ( الحب ) ..؟.
الحب اجمل ما فى هذه الحياة ولكن الحب الصادق النابع من القلب ومفيش احلى من حب الله ورسوله

مش رح أكثر عليكِ أسئلة وراجعلِك إن شاء اللّه .
ان شاء الله انت تكتر زى ما انت عايز يا دكتورنا دة احنا مبسوطين بوجودك معانا
وانا فى انتظارك ان شاء الله

[ياسمينا]

alaet 3003
مرحبا ياست الحلوين
بس سؤال بس يا ريت اتردي علية بصراحه
انت بتردي علينا بلفظ ( با ابني " يا بنتي ) انا واصدقائي حابين نعرف اديش عمرك
علشان نحكيلك ( يااااخالتي ) يا سمينا ممكن هذا الظاهر
وشكرا
تحياتي يا خالتي
انا مش كبيرة اوى ولا صغيرة اوى بس يا عم واشكرك على السؤال ودة يشرفنى انكم تكونوا كلكم عيالى

[smsm judo]

alaet 3003
مرحبا ياست الحلوين
بس سؤال بس يا ريت اتردي علية بصراحه
انت بتردي علينا بلفظ ( با ابني " يا بنتي ) انا واصدقائي حابين نعرف اديش عمرك
علشان نحكيلك ( يااااخالتي ) يا سمينا ممكن هذا الظاهر
وشكرا
تحياتي يا خالتي
انا مش كبيرة اوى ولا صغيرة اوى بس يا عم واشكرك على السؤال ودة يشرفنى انكم تكونوا كلكم عيالى

ههههههههههههههههههههههههههه
ومالو يا ماما

[Dr.Hamzeh Malkawi]

حلوة منِّك ( أيوهههههه يا جِدعان ) ،،،
والآن بدي رأيِك بكل من :

* ديلارا

* قمر فلسطين

* الدكتور محمود

* الدكتور مقبل العمري

* غزلان ( أو شريفة )

* الدكتورة لبنى ( اللي تركتنا )

* رحــــــــال

* والدكتور حمزة

الأسئلة سهلة ، بس إجكي بحريتِك وبصراحة كاملة .

[ياسمينا]

الدكتور حمزة
حلوة منِّك ( أيوهههههه يا جِدعان ) ،،،
شكرا يا دكتور اى خدمه

والآن بدي رأيِك بكل من :

* ديلارا بنت طيبة وحبوبه فعلا

* قمر فلسطين برده قمر طيبة واجتماعيه


* الدكتور محمود بارك الله فيه

* الدكتور مقبل العمري الله اعلم

* غزلان ( أو شريفة ) لا باة غزلان دة حبيبتى والله ربنا يكرمعا ويسعدها يارب

* الدكتورة لبنى ( اللي تركتنا ) هى سبتنا امتى دة ولية
الدكتورة لبنى دة قمة الاخلاق وكويسة جدا ومواضيعها مفيده والله خسارة اذا سابتنا

* رحــــــــال الله اعلم معرفش عنه حاجة لانه غامض ومش بيرد على اى موضوع

* والدكتور حمزة لا باة مش حقول لانه عارف والدكتور دة حبيب الكل وشمعه المنتدى

الأسئلة سهلة ، بس إجكي بحريتِك وبصراحة كاملة .
لا لا تقلقش انا اجاوب بكل صراحة واشكرك يا دكتور على اسالتك

[alaeta 3003]

الله يعطيكي العافية يا ماما والله يخليكي
ماما ياسمينا ممكن اثقل دمس عليكي واسألك


من هو اعز شخص لديكي في المنتدى وبكل صراحة ؟

شو انتمائك السياسي ؟

[ياسمينا]

alaet 3003
الله يعطيكي العافية يا ماما والله يخليكي
ماما ياسمينا ممكن اثقل دمس عليكي واسألك
اسال يا عم وتنزرنى فى اى وقت ولا بتقل ولا حاجة


من هو اعز شخص لديكي في المنتدى وبكل صراحة ؟
هيثم

شو انتمائك السياسي ؟
لا احب السياسة ولكنى احب وطنى ولا احب احد ان يتكلم عليها بسوء ووطنية جدا

شكرا يا اخى على مرورك واشكرك الجميع على مرورهم وعلى اسئلتهم الجميلة
واشكر هيثم على استضافته لى

[smsm judo]

انا الى بشكرك جدا ياسمينا على قبولك دعوتى
وبجد اسعدنا وجودك معانا على كرسى الاعتراف هذا الاسبوع
وكان اسبوع ممتع جدا


تحياتى لك

[ياسمينا]

انا الى اشكرك يا هيثم على هذه الاستضافة التى اسعدتنى واشكرك عليها
وكان اسبوع حلو والاسئلة احلى
واشكر كل من سالنى والى مسالنيش

[د.مشمش]

سامحيني ياسمينا على التاخير
شو الغلطة يلي ماممكن تسامحي عليها الاخرين