ذوالفقار
14-01-2007, 01:02
( حوار مع النفس ) كلّو حكي بحكي
ذوالفقّار ذوالفقّار
شو يا أبو الزوز
ليش زعلان يا أخي ؟
ذوالفقّار : والله يا أخي أبو الزوز زعلان على هل الوضع بالعراق و حتى شوف كيف الساحة السياسيّة بالمنتدى صارت دينيّة .
ابو الزوز : ولك كيف دينيّة ما فهمت .
ذوالفقّار : يعني يا أخي أبو الزوز أكتر المواضيع سنّي شيعي شيعي سنّي روافض إخوان قاعدة و ما بعرف شو.
أبو الزوز : طيب يا أخي قول رأيك بصراحة كل واحد لازم يحكي الحكي اللي مقتنع فيه .
ذوالفقّار : يا أخي رأيي لا بيقدم ولا بيأخر متل كلام الناس يعني بضل بحالي أحسن إلي .
أبو الزوز : ولك شو مابيقدم ولا بيأخر شو مجنون إنت كيف هيك ما فهمت شرحلي .
ذوالفقّار : يعني يا حبيبي لو ضلّيت من هلّق للصبح قول يا جماعة إمريكا هي العدو الأوّل وهادي مؤامرة كبيرة وإسرائيل وإمبرياليّة ورأسماليّة
ومخطط وزريعة شرق أوسط جديد وقديم وكبير وغيرا وغيراتا رح تضل العالم تدبّح ببعضا بالشارع .
أبو الزوز : طيب يا عمي إذا دبّحوا بعض شو بيصير .
ذوالفقّار : يعني إذا دبّحوا بعض لا السنة رح يخلصوا ولا الشيعة رح يخلصوا ورح نضل على هالحالة عشرات السنين يصير العالم وين ونحنا وين .
أبو الزوز : طيب إذا عملو هيك بعد سنتين تلاتة بيتعبوا و بيملّوا و بيتصالحوا .
ذوالفقّار : ولك شو يتصالحوا ما يتصالحوا نحنا العرب عنا شغلت التار كبيرة وشاطرين على بعضنا شو نسيان حرب البسوس اللي ضلّت 40 سنة .
40 سنة ولاد العم دبّحوا بعضهم شو ما بتسميه تخلّف 40 سنة أوووف والله كتير !!!!؟ ....... وبعدين نحنا العرب عنا مقوله
( إذا صفعك أحدهم على خدّك الأيمن ........ لعان أبو اللي خلّفوا) شو نسيت .
أبو الزوز : لا ما نسيت بس شو تخلّف القصّة قصّة مبدأ واللي عندو مبدأ ما بيتنازل عنه .
ذوالفقّار : يا أخي السنّة عندهم مبدأ وبيعرفوا حالهم صح والشيعة عندهم مبدأ وبيعرفوا حالهم صح .
أبو الزوز : طيب مين الصح ؟
ذوالفقّار : السنّة صح والشيعة صح ...... السنّة عندها أسبابها والشيعة عندها أسبابها يعني بيعتبروا الموضوع فعل ورد فعل .
الأوّل حامل سلاح ليش ؟ لأنو التّاني حامل سلاح وخايف من الأوّل والأوّل حامل سلاح وخايف من التّاني .
والتّالت حامل سلاحو وعم يضرب بالأوّل والتّاني .
أبو الزوز : طيب شو الحل ؟
ذوالفقّار : الحل يا سيدنا الكريم إنو السنّة والشيعة يفكروا بالمستقبل , مستقبل بلدهم مستقبل ولادهم ويفكروا لقدام شوي شو آخر هالحرب
والشيعة والسنّة يحاربوا الغريب يعني المحتل ( التالت ) وبعد ما يتحرروا ما بيكون في سبب ليتقاتلوا ببعض و ما يتركوا حدا من برّا يتدخل فيهم .
أبو الزوز : كلامك بعيد عن الواقع يعني ما أقتنعت .
ذوالفقّار : ولك أكيد ما رح تقتنع حتى أنا مو مقتنع ولا حدا رح يقتنع حتى شوف ردود الشباب والصبايا على الموضوع ما حدا مقتنع يعني كلو حكي بحكي
وما طالع بإيدنا غير الحكي.
مو هيك يا شباب ؟.:1b
ذوالفقّار ذوالفقّار
شو يا أبو الزوز
ليش زعلان يا أخي ؟
ذوالفقّار : والله يا أخي أبو الزوز زعلان على هل الوضع بالعراق و حتى شوف كيف الساحة السياسيّة بالمنتدى صارت دينيّة .
ابو الزوز : ولك كيف دينيّة ما فهمت .
ذوالفقّار : يعني يا أخي أبو الزوز أكتر المواضيع سنّي شيعي شيعي سنّي روافض إخوان قاعدة و ما بعرف شو.
أبو الزوز : طيب يا أخي قول رأيك بصراحة كل واحد لازم يحكي الحكي اللي مقتنع فيه .
ذوالفقّار : يا أخي رأيي لا بيقدم ولا بيأخر متل كلام الناس يعني بضل بحالي أحسن إلي .
أبو الزوز : ولك شو مابيقدم ولا بيأخر شو مجنون إنت كيف هيك ما فهمت شرحلي .
ذوالفقّار : يعني يا حبيبي لو ضلّيت من هلّق للصبح قول يا جماعة إمريكا هي العدو الأوّل وهادي مؤامرة كبيرة وإسرائيل وإمبرياليّة ورأسماليّة
ومخطط وزريعة شرق أوسط جديد وقديم وكبير وغيرا وغيراتا رح تضل العالم تدبّح ببعضا بالشارع .
أبو الزوز : طيب يا عمي إذا دبّحوا بعض شو بيصير .
ذوالفقّار : يعني إذا دبّحوا بعض لا السنة رح يخلصوا ولا الشيعة رح يخلصوا ورح نضل على هالحالة عشرات السنين يصير العالم وين ونحنا وين .
أبو الزوز : طيب إذا عملو هيك بعد سنتين تلاتة بيتعبوا و بيملّوا و بيتصالحوا .
ذوالفقّار : ولك شو يتصالحوا ما يتصالحوا نحنا العرب عنا شغلت التار كبيرة وشاطرين على بعضنا شو نسيان حرب البسوس اللي ضلّت 40 سنة .
40 سنة ولاد العم دبّحوا بعضهم شو ما بتسميه تخلّف 40 سنة أوووف والله كتير !!!!؟ ....... وبعدين نحنا العرب عنا مقوله
( إذا صفعك أحدهم على خدّك الأيمن ........ لعان أبو اللي خلّفوا) شو نسيت .
أبو الزوز : لا ما نسيت بس شو تخلّف القصّة قصّة مبدأ واللي عندو مبدأ ما بيتنازل عنه .
ذوالفقّار : يا أخي السنّة عندهم مبدأ وبيعرفوا حالهم صح والشيعة عندهم مبدأ وبيعرفوا حالهم صح .
أبو الزوز : طيب مين الصح ؟
ذوالفقّار : السنّة صح والشيعة صح ...... السنّة عندها أسبابها والشيعة عندها أسبابها يعني بيعتبروا الموضوع فعل ورد فعل .
الأوّل حامل سلاح ليش ؟ لأنو التّاني حامل سلاح وخايف من الأوّل والأوّل حامل سلاح وخايف من التّاني .
والتّالت حامل سلاحو وعم يضرب بالأوّل والتّاني .
أبو الزوز : طيب شو الحل ؟
ذوالفقّار : الحل يا سيدنا الكريم إنو السنّة والشيعة يفكروا بالمستقبل , مستقبل بلدهم مستقبل ولادهم ويفكروا لقدام شوي شو آخر هالحرب
والشيعة والسنّة يحاربوا الغريب يعني المحتل ( التالت ) وبعد ما يتحرروا ما بيكون في سبب ليتقاتلوا ببعض و ما يتركوا حدا من برّا يتدخل فيهم .
أبو الزوز : كلامك بعيد عن الواقع يعني ما أقتنعت .
ذوالفقّار : ولك أكيد ما رح تقتنع حتى أنا مو مقتنع ولا حدا رح يقتنع حتى شوف ردود الشباب والصبايا على الموضوع ما حدا مقتنع يعني كلو حكي بحكي
وما طالع بإيدنا غير الحكي.
مو هيك يا شباب ؟.:1b