موضوع للمناقشة..حق المراة

[ياسمينا]

السلام عليكم ورحمة اللة وبركاته

النهاردة عايزة اطرح موضوع مهم بالنسبة للمراة بس عايزة الاعضاء كلهم يشاركوا فى الراى بالنسبة لهذا الموضوع الذى يعتبر موضع جدال فى المجتمع وهو:

*ينفع ان الست تروح للراجل وتقوله انها بتحبه؟

*ينفع ان الست لما تشوف راجل طيب وتقى وصالح ويخاف اللة انها تروح وتقوله انت راجل كويس ومناسب لى وانا عايزاك زوج لى ؟

*هل للمراة الحق انها تفصح مشاعرها للرجل ولة هذا يعتبر عدم كرامة للمراة ومهانة لها؟

*هل الافصاح عن مشاعر الرجل للمراة حلال والعكس وهو افصاح المراة عن حبها وعن رغبتها فى الزواج من رجل معين حرام؟

سؤال محير ولا نجد له اجابة فارجو ان اعلم من جميع الاعضاء رايهم فى هذا الموضوع فارونى مشاركتكم وتعليقكم بصراحة ولا اريد من اى عضو ان يعلق بكلمة او ان يقول ان الموضوع رائع ويخرج من غير ابداء رايه وتحياتى للجميع

[Dr.Hamzeh Malkawi]

سؤال صعب شوية بس بقدر أجاوب على قدر معلوماتي ، النقطة الأولى صارت بحالة بعرفها بشكل كامل ونجحت التجربة ..
أما الباقي فهناك أحد الصالحين ( لا أذكر إسمه الآن ) والقصة أكيدة : ذهب لوالد أحد الشباب وقال له أريد إبنك لبنتي ، علماَ أن أحد الأمراء بعصر هارون الرشيد كان تقدّم لخطبة بنته ورفضت .. ولكن تبقى الأمور متوقفة على هل يقبل المجتمع ذلك أم لا .. فما المانع أن تقول له وهو بدوره يتقدّم لخطبتها من أهلها ..بس برضو الموضوع حساس للغاية وبحاجة لبنت ذكية بمعرفة نوع الشخص وجريئة لتسطيع البوح بذلك ..

[مسـلم]

موضوع جميل يستحق المناقشة

[smsm judo]

بصى ياسمينا

الكلام ده هو عادى جدا لو حصل لان البنت بتقدر تحكم على مشاعرها زى الراجل بالظبط

وبيبقى لها موصفات معينه فى الراجل زى ما الراجل له مواصفات معينه فى البنت

بس المشكله بقى فينا احنا وهى طريقه التفكير نفسها عندنا فى مجتمعنا

يعنى ممكن يحصل حجتين .

ان البنت لو عملت كده مع ولد ممكن ياخد عنها فكره وحشه ازاى جت لها شجاعه تقولى كده اذا البنت دى فيها حاجه وبالتالى هايخدها على هواها ويبقى معها مجرد تسليه ودى مصيبه

الحاجه التانيه انه ممكن يقتنع بكلامها ويفهم ان ده حقها تختار زى ما هو حقه يختار

بس بعد كده فى خلاف عادى بينهم هيفكرها بيوم زى ده وانتى اللى جريتى ورايا وانتى وانتى وكلام العيال ده

وبالتالى هتكرهه على اد ما حبيته

فا انا شايف خلينا زى ما احنا احسن

تحياتى

[ياسمينا]

اولا شكرا لمرورك يا د.حمزة ولى تعقيب على تعليقك وهو
انت مذكرتش اية هية الحالة عن قولك (سؤال صعب شوية بس بقدر أجاوب على قدر معلوماتي ، النقطة الأولى صارت بحالة بعرفها بشكل كامل ونجحت التجربة ..) ياريت تحكهلنا ومنكم نستفيد
اما القصة الى ذكرتها فدة جائز ان اب البنت يخطبلها من اى شخص يرى انه صالح بس السؤال هو هل من حق المراة ان تخطب لنفسها اى تذهب للشخص المعجبة به وتقول له اريدك زوجا لى ؟؟؟؟؟؟؟؟؟؟؟؟؟
3-(وبحاجة لبنت ذكية بمعرفة نوع الشخص وجريئة لتسطيع البوح بذلك ..) اما الجملة دة فعجبتنى ومقنعة وجميلة
بس مفيش اجابة صريحة قولتها يا د.حمزة ولكنى اشكرك على مرورك الكريم

[ياسمينا]

اما مكديفيا فاقولك اية بس ما انا عارفة انه موضوع يستحق المناقشة بس سيتك مقلتلناش رايك يعنى رايك اية فى الموضوع دة وبما اعتقد انك مقراتش الموضوع كله لانى ذكرت فى الموضوع ان محدش يدخل وميعلقش ويبدى رايه وعلى العموم شكرا على مرورك وتحياتى لك

[ياسمينا]

هيثم انا فعلا اقتنعت بكلامك وفعلا دة الى بيحصل. بس انت مش شايف ان دة نوع من انواع الظلم للمراة ومش واخدة حقها بداعى ان دة عادات وتقاليد المجتمع والكلام دة
وخد بالك احنا او المراة دائما تضع امام عينها المثل دة eazy came eazy go
فدائما وسيظل مشاعر المراة مكبوتت المشاعر ولا تقدر ان تفصحها وهذا بسبب الرجل وتفكيره الرجعى الذى لم ولن يتغير
وانا لا اختلف معك فى رايك ولكنى اؤيدك فى رايك وشكرا على تعليق وتحياتى لك

[ياسمينا]

للاسف ان مفيش ولا بت علقت على الموضوع روحتوا فين يا بنات عايزة اعرف اية رايكم فى الموضوع دة

[لينـا]

انا اتبنى راي سمسم او هيثم
ولكن من الناحيه الفقهيه اذا كان يجوز او لا يجوزان تبوح البنت او تطلب الزواج من الرجل
دي لازم نسأل بمن به خبيرا
اعتقد الون يقدر يجاوب على الموضوع الفقهي

يا ياسمينا نحن بحاجه لتغير جذري بمفاهيمنا للحياة كعموم والشخصيه بالاساس
علشان نضمن ان البنت لما تروح للشاب وتبوح بحبها وبنيتها الارتباط فيه وبعد الزواج بفتره طويله او قصيره عند اول مشكله م يقولش انت اللي طلبتيني
انا اصلا مكنتش عايزك وانت احرجتيني
وم كنتش حابب اكسفك


ايه الضمانه انها م تسمعش الكلمتين دول؟؟؟
لانهم الكلمتين دول راح يجيبوا اخرتها

[زياد خالد]

والله انا لو عندي بنت ما استحي اخطب لها اذا وجدت شاب كويس وهي قابله بذلك اخطب الشاب ليش لا
اما ان تقول البت لمن تحب او تبوح بمشاعرها فاغلب البنات يفعلن هذا حتى ولو كان بطريقه غير مباشره
البنت تعرف تحسس الشاب بحبها
اما عن الحلال والحرام فلا استطيع التطرق لهذا الموضوع لان فيه مساله اجتهاديه لا استطيع فقهها

تحيه طيبه

[ياسمينا]

كلام صح يا لينا وانا معاكى طيب احنا لية مش بنقول للراجل كدة انك جيت علشان تتجوزنى وانا رضيت علشان اتجوز وبس لية احنا كمان مش بنقول كدة وشكرا لتعليقك يا لينا

شكرا يا زياد على كلامك وانا يا جماعة مطلبتش اننا نفتى فى الدين واللة اعلم اية راى فقهاء الدين فى ذلك بس انا حبيت اعرف تفكير الرجالة والبنات ازاى ونظرة المجتمع وشكرا لكما على مروركما الكريم

[ddd-kkk]

انا مع الرائ ان تكون المراة اكثر حرية
اي ان تذهب وتخطب لنفسها وتبوح بحبها
ما دام في الحلال والا الحرام احسن
لا اظن ذلك

[ياسمينا]

شكرا يا ddddd على مرورك الكريم بس كنت حابة اعرف انت ولد ولة بنت

[شـريف]

بصى يا ياسمين انا من رايى ان المراه لو عرفت تختار راجل جنتل ومؤدب ولطيف فى الحاله دى مهما قالتله مش هايكون فيها مهانه للمراه وهو هايفهمها مهما هى قالت حتى لو كان كلامها فى مواضيع حساسه
انما لو الواحده راحت تفصح عن مشاعرها لواحد متخلف عقليا فى الحاله ماتزعلش هى الى ما عرفتش تختار

[ياسمينا]

شكرا اولا على مرورك يا one man show بس بما اعتقد ان الرجالة كلهم زى بعض الا التقى الى يخاف ربنا وبيتقى ربنا هو بس الى ممكن يفهم ويراعى ويقدر شعور المراة بس بما اعتقد انه مش موجود

[النبيل77]

انا مع الرائ ان تكون المراة اكثر حرية
اي ان تذهب وتخطب لنفسها وتبوح بحبها
ما دام في الحلال والا الحرام احسن
لا اظن ذلك


اليس كذلك
؟؟؟؟؟؟

[ياسمينا]

لا انت صح يا النبيل بس بتختلف من عقلية رجل لاخر
واشكرك على رايك

[سحر البراءة]

انا رايى انه صعب جدا البنت تعمل كده بطريقة مباشرة لان حيائها هيمنعها من كده بس لو ميته عليه ممكن تعبر باسلوب غير مباشر وتعرف هو شعوره ايه من نحيتها عشان لو كان مش بيبادلها نفس الشعور متكونش اتعرضت للاحراج والمهانه عشان كده انا شايفه انها تخليها ساكته احسن.... ده رايى الشخصى ويا ريت نسمع الراى الفقهى السليم مع الاشارة لمصدره

[ياسمينا]

شكرا اختى على رايك وانا معكى فى الراى
وشكرا على تعليقك

[ديلارا]

برد على الموضوع من وجهة نظري الشخصيه
أنا مستحيل أقول لشخص تعال تزوجني
بحس حالي رميت نفسي عليه
ولو تزوجني
بحس أني فقدت كرامتي من البدايه
وأغلى شئ عالأنسان كرامته
فيجي يخطبني برغبته أو مليون واحد بداله

[maanager]

انا اعتقد انه بالرجوع الا التاريخ وخصوصا
زواج سيدنا محمد عليه افضل الصلوات والسلام بسيدتنا خديجه رضي الله عنها
سنجد الجواب

[ياسمينا]

صح يا منجير بس تفكير الرجل ليس كتفكير المسلمين ايام الرسول
وهنا ستجد الاجابة

[maanager]

صح يا منجير بس تفكير الرجل ليس كتفكير المسلمين ايام الرسول
وهنا ستجد الاجابة

اكييييييد

بس كلامك هنا موجه للرجال المسلمين

فلنا في رسولنا الكريم خير قدوه

[أميرة الورد]

بالصراحة
صعبة اووووووي يا ياسمينا ان افصح عن حبي دون ان يبدا هو
ممكن المح او اظهر شئ من الاعجاب حتى ينطق الاخرس
و هاي طبيعة البنت عمتاً اخفاء جزء كبير من مشعرها طبيعتها يوجد عندها نوع من الاستحياء
و اذا طبقنا الشرع و ما ينطق بيه قرآنا سوف نجد أن المراة وخد حقها

و ليس عيبا و حراما ان فصح عما بداخلها و لكن المشكلة في طبيعتها هي و ليس فقدان حقها

[ياسمينا]

وجهة نظر برده يا قمر
ولكن لية الرجل يقدر والمراة لا لماذا هذه النظرة للمراة
كل حاجة عيب ميصحش انت بنت الناس حتقول اية (كلام بتسمعه كتير المراة )
ولكن ليس هناك كلام يوجه للرجل اى انه حر فى تصرفاته
عنصريةةةةةةةةةةة

[أميرة الورد]

وجهة نظر برده يا قمر
ولكن لية الرجل يقدر والمراة لا لماذا هذه النظرة للمراة
كل حاجة عيب ميصحش انت بنت الناس حتقول اية (كلام بتسمعه كتير المراة )
ولكن ليس هناك كلام يوجه للرجل اى انه حر فى تصرفاته
عنصريةةةةةةةةةةة

يعني انتي شايفة البنات استسلموا لهاي الامور في تحديات
بس يا ياسمينا هاي أمور تربنا عليها و ان الرجل يكون البادئ و بعد ما يبدأ هو حر تيجي على راسه هههههههههههههههههه
و ما نقدر نغير وجهة نظر مجتمع باكماله

و في شئ يا ياسمينا بدي اقولك الي بدو ينظر شو الناس بدهم يحكوا عمروا ما حيتقدم خطوة للأمام .

[ياسمينا]

كلامك صحيح يا قمر وفعلا مش حنقدر نغير نظرة المجتمع لنا
يعنى المطلوب اننا نستسلم ونخضع للعادات والتقاليد
يلة حنعمل اية بس