لينـا
24-08-2006, 09:01
كانوا خمس نملات بيتمشوا على الكورنيش
وعلمكوا الكورنيش وشو فيو تمشايه وتلطيش وذره وفول والارض مليانه من ما لذ وطاب
شويه بتوقع نمله لانها اول مره بتلبس كعب عالي شلحت من رجلها وقالت عمرو ما ينلبس اللي بدو اياني هيك يا هلا ضروري اكون طويله متل فرس النبي حطت السكربينه تحت اباطها ومشيت
وهني ماشيين لاقوا كوم ذره قالو صحيح احنا عنا مونه بس هيك موضوع ما بيتفوت
يللا يا بنات تعالو بدنا همه هاد كل الذره لازم ناخدو على بيتنا
والله ما قصروا هاي اللي شلحت من رجلها والتانيه رمت الباروكه على جنب وواحده كبت رموشها الاصطناعيه ويللا همه وحملو الذره وركض على البيت وهني بالطريق شرف اخينا الصرصور
قال شو صبايا لوين
قالولو روح من هون احسن م ندب الصوت هلق ونلم عليك امة لا اله الا الله
ولا همو اصلا هاد الصرصور بالذات مش فارقه معو حدا
قالهن اسمعوا ما بدي شوشره وطلوع صوت هاتو الذره وامشوا وكان الله بالسر عليم
العمى بقلبو شو انو صحيح واحد عواطلي لا شغله ولاعمله غير نازل تلطيش بالبنات وعايش على حساب الغلابه والشقيانين
قالولو النملات لو بتشوف حلمة ودنك ما راح نعطيك شيء
ضحك بصوت عالي وقال اساسا انا ما عندي دان علشان هيك ما عندي حلمة ودن
وبعدين انا ابن شوارع ومشراني وانتو بتعرفوني منيح هاتو الذره حالا
بالفعل تشاورو النملات واستنتجوا انه عن جد ما عندو حلمة ودن علشان هيك كان لازم يعطوه الذره
وراح الذره وراح التعب
وهيك الصرصور راح يبقى عايش على حساب النملات المشحرات
وعلمكوا الكورنيش وشو فيو تمشايه وتلطيش وذره وفول والارض مليانه من ما لذ وطاب
شويه بتوقع نمله لانها اول مره بتلبس كعب عالي شلحت من رجلها وقالت عمرو ما ينلبس اللي بدو اياني هيك يا هلا ضروري اكون طويله متل فرس النبي حطت السكربينه تحت اباطها ومشيت
وهني ماشيين لاقوا كوم ذره قالو صحيح احنا عنا مونه بس هيك موضوع ما بيتفوت
يللا يا بنات تعالو بدنا همه هاد كل الذره لازم ناخدو على بيتنا
والله ما قصروا هاي اللي شلحت من رجلها والتانيه رمت الباروكه على جنب وواحده كبت رموشها الاصطناعيه ويللا همه وحملو الذره وركض على البيت وهني بالطريق شرف اخينا الصرصور
قال شو صبايا لوين
قالولو روح من هون احسن م ندب الصوت هلق ونلم عليك امة لا اله الا الله
ولا همو اصلا هاد الصرصور بالذات مش فارقه معو حدا
قالهن اسمعوا ما بدي شوشره وطلوع صوت هاتو الذره وامشوا وكان الله بالسر عليم
العمى بقلبو شو انو صحيح واحد عواطلي لا شغله ولاعمله غير نازل تلطيش بالبنات وعايش على حساب الغلابه والشقيانين
قالولو النملات لو بتشوف حلمة ودنك ما راح نعطيك شيء
ضحك بصوت عالي وقال اساسا انا ما عندي دان علشان هيك ما عندي حلمة ودن
وبعدين انا ابن شوارع ومشراني وانتو بتعرفوني منيح هاتو الذره حالا
بالفعل تشاورو النملات واستنتجوا انه عن جد ما عندو حلمة ودن علشان هيك كان لازم يعطوه الذره
وراح الذره وراح التعب
وهيك الصرصور راح يبقى عايش على حساب النملات المشحرات