** حــــــورس **
04-08-2006, 11:41
[right][سيادة رئيس الجمهورية الوراثية
ازيك يا ريس . واحشني يا راجل . من زمان متكلمناش مع بعض بس لقيت نفسي مزنوق في كلمتين قلت اكتبلك .. مش انت برضو زي ما عصابتك بتقول ابو المصريين كلهم ؟؟
أول حاجه يا ريس عاوز اسألك سؤال .. تعرف أحمد ودينا ؟؟؟ دول طفلين من جنوب لبنان يا ريس .. دينا هربت من القصف بعد ما أهلها ماتوا ومشيت على رجليها لغاية قرب بيروت كده ..
أحمد بأه يا ريس ملحقش يهرب .. مات .. عرف مات ليه يا ريس ؟؟ مات بسبب قصف الطائرات الصهيونية ..
عارف الطيارات يا ريس ؟؟ الكدبة اللي بتكدبها علينا من 26 سنه بأنك صاحب اول طلعة جوية بينما انت كنت قاعد في مركز القياده بتاخد التعليمات وتبلغها للطيارين
بلاش دي ..
عارف الطيارات بتطير بأيه يا ريس ؟؟؟ اقولك انا .. الطايرات بتطير بالبترول .. البترول اللي انت عامل انابيب تصدره للصهاينه من سنة 98 بأسعار ثابته لمدة 10 سنين واللي رفعت سعره هنا في مصر علشان الطلب الاسرائيلي اللي زاد على البترول بتاعنا بسبب الحرب
بذمتك مش مكسوف من نفسك ؟؟
يعني انت تديه لليهود باسعار ثابته واحنا ندفع ضريبة المبيعات
انا عرفت يا ريس ان عندك حفيد عنده 6 سنين .. عاوز اسألك سؤال .. لما بتبص في عين حفيدك مبتحسش بحاجه ؟؟؟ اشك انك بتحس اصلا بل اعتقد ان لو طلبوا منك اغتصابه علشان تفضل في الحكم هتعملها .. فاقد الشئ لا يعطيه يا ريس
سيبك من كله ده .. وقولي .. مش عاوز تطرد السفير الصهيوني ليه يا ريس ؟؟ مش هقولك روح حارب ولا حاجه . بس هسألك ليه مش عاوز تطرد سفيرهم ؟؟ خايف من ايه ؟؟
علشان معاهدة السلام ؟؟ سلام ايه يا ريس اللي سينا فيه منروعة السلاح وممكن في ساعتين نلاقيهم في القاهرة .. بجد قولي خايف من ايه ؟؟ هما العالم دي كاسرة عينك بحاجه ؟؟ قول متتكسفش
الشهادة لله يا ريس انت من ساعة ما مسكت البلد دي ودخلت علينا بالشويتين بتوعك والحندل والمندل والتنكيت ابو دم تقيل وانت ساقينا المر ومجوع بلدنا
من اول ما قلت زمان اربطوا الحزام وبدمك البايخ تقول ( خفوا بالليل شوية ) اللي تقصد بيه تحديد النسل علشان بنزيد مش عارف كام .. طب نورت المحكمه يا ريس !!
انا مش عارف السكان مضايقينك في ايه ؟؟ المشكله يا ريس مش في السكان المشكله فيك وفي العصابات بتاعتك اللي طالعة نازله تنهش في لحمنا الحي وترجع تقول السكان السكان .. طب يا سيدي نموتهملك علشان ترتاح !!
تعالى بأه نشوف الخيبة التقيله ياريس الطوارئ اللي جيت في ظرف طارئ وبتحكم بقانون طوارئ
حد يا راجل يحكم ربع قرن ؟؟ وتحكم بقوانين عرفيه طول الزمن ده ؟ ده ولا في الحواديت يا ريس مهي مصرنا ام الدنيا فيها العجب .
طيب تيجي نمر يا ريس على إحصائية بسيطة عن دم المصريين اللي ملا الدنيا أرضاً وجواً وبحراً في عهدك الميمون ؟؟؟ لو مسكت صفحة الحوادث يا محترم ورصدت إحصائيات الأموات على الأسفلت (أرضاً) في عهدك تلاقيه يفوق عدد أي ميتين في أي بلد نايم مش نامي .. يعني يجيلك كده عشرة عشرين خمسين في اليوم ميتين في حوادث تصادم ودهس وبلى أزرق من جرايم العصابات بتاعتك في الطرق السريعه
يعني لو حسبتها كده مع الرأفة وقلنا كل يوم ثلاثين ميت في الطرق والأسفلت وتحويلات القطارات اللي بتدخل بيوت الناس بدال المحطه وخلافه يبقى عندنا ما يقارب 300000 نسمة من أولاد مصر ماتوا على الأسفلت يا ريس في عهدك اللي مش ميمون واصل .... طيب ده لو عدينا قطار الصعيد والآلاف اللي راحوا في العبارات بتاعة السلام من سالم إكسبريس للسلام 98 لما خفي كان أعظم وضيف عليهم كمان اللي راحوا من خيرة شبابنا في الجو والطيارات اللي عمال تقع من غير ما حد يسأل ... يعني ياريس انت موتت ييجي مليون وشويه
ده غير العساكر الغلابه اللي الصهاينه بتموتهم على الحدود وانت مطرمخ عالموضوع .. مهم شوية عساكر فلاحين ملهومش لازمة ..
طب خلينا في الصاحيين وبلاش الميتين .. الجرايد بتاعتك بتقول ان ييجي 100 مليون فرصة عمل اتوزعن على الشباب من يوم ما مسكت الحكم .. يا فرحتي ... ولاد مصر كلهم شغالين وزي الفل .. انا عاوز اي حد يا ريس يعد فرص العمل اللي انت وفرتها للشباب في اي جرنال من بتوعك خلال 6 شهور فاتت بس والكل هيعرف انك لامؤاخذه نصاب .. الخيبة اللي عندنا دي جت منين يا ريس ؟؟ 30 مليون عاطل و15 مليون عانس جم منين ؟؟
بلاش تتنح كده والنبي وحاول تفهمني
نسيت اسألك يا ريس .. الحراميه اللي انت معينهم في البلد من محافطين ورؤساء مجالس مدن وغيره معينهم ليه ؟؟ هتقولي انت مالك ومال الحراميه ؟؟ انا هفهمك يا ريس .. مهو السيستم بتاع بلدنا ان لو الريس مش هيسرق فإبنه فيه الخير والبركة لو ابن الريس سرق مليون على قد حاله يجيب بيه بونبون وشكولاته يبقى هيتسرق قصاده مليون المليون بعدد ولاد الحرام اللي شافوا السرقه .
حاجه اخيرة يا ريس .. الناس المعتقلين علشان بيقولوا لأ بطريقة سلميه دول معتقلين ليه ؟؟ يعني لو مسكوا سلاح وكسروا في البلد هتقول عليهم ارهابيين ولو احترموا نفسهم ورفعوا مجرد يفط تعتقلهم .. انت خايف منهم يا ريس ؟؟ يعني شوية عيال عواطليه رافعين كام يفطه هما دول اللي هيقلبوا نظام الحكم ؟؟
شوف يا ريس مصر .. اوعى تفتكر اننا خايفين .. خلاص بطلنا نخاف .. هنخاف من ايه ؟؟
مهو كده كده هنموت الموت علينا حق .. حتى انت برضو هتموت .. محدش مخلد يا ريس .. كلاب الداخلية بتوعك مبنخافش منهم .. هنخاف من ايه تاني ؟؟
المعتقل ؟؟ مهو احنا برضو معتقلين .. جوة المعتقل في حارس ومأمور وبرة في انت وحكومتك .. مش هتفرق كتير ..
كفاية عليك 26 سنه ظلم وقهر وسرقه وكدب ودم راح بسببك .. اعمل حاجه لاخرتك ..
في الاخر متنساش انك هتقابل اللي متقدرش تصدر امر باعتقاله ويراعى له التجديد .. في الاخر هتقابل الحي القيوم مالك الملك
امضاء
مواطن مصري عربي مش فارقه معاه/right]
ازيك يا ريس . واحشني يا راجل . من زمان متكلمناش مع بعض بس لقيت نفسي مزنوق في كلمتين قلت اكتبلك .. مش انت برضو زي ما عصابتك بتقول ابو المصريين كلهم ؟؟
أول حاجه يا ريس عاوز اسألك سؤال .. تعرف أحمد ودينا ؟؟؟ دول طفلين من جنوب لبنان يا ريس .. دينا هربت من القصف بعد ما أهلها ماتوا ومشيت على رجليها لغاية قرب بيروت كده ..
أحمد بأه يا ريس ملحقش يهرب .. مات .. عرف مات ليه يا ريس ؟؟ مات بسبب قصف الطائرات الصهيونية ..
عارف الطيارات يا ريس ؟؟ الكدبة اللي بتكدبها علينا من 26 سنه بأنك صاحب اول طلعة جوية بينما انت كنت قاعد في مركز القياده بتاخد التعليمات وتبلغها للطيارين
بلاش دي ..
عارف الطيارات بتطير بأيه يا ريس ؟؟؟ اقولك انا .. الطايرات بتطير بالبترول .. البترول اللي انت عامل انابيب تصدره للصهاينه من سنة 98 بأسعار ثابته لمدة 10 سنين واللي رفعت سعره هنا في مصر علشان الطلب الاسرائيلي اللي زاد على البترول بتاعنا بسبب الحرب
بذمتك مش مكسوف من نفسك ؟؟
يعني انت تديه لليهود باسعار ثابته واحنا ندفع ضريبة المبيعات
انا عرفت يا ريس ان عندك حفيد عنده 6 سنين .. عاوز اسألك سؤال .. لما بتبص في عين حفيدك مبتحسش بحاجه ؟؟؟ اشك انك بتحس اصلا بل اعتقد ان لو طلبوا منك اغتصابه علشان تفضل في الحكم هتعملها .. فاقد الشئ لا يعطيه يا ريس
سيبك من كله ده .. وقولي .. مش عاوز تطرد السفير الصهيوني ليه يا ريس ؟؟ مش هقولك روح حارب ولا حاجه . بس هسألك ليه مش عاوز تطرد سفيرهم ؟؟ خايف من ايه ؟؟
علشان معاهدة السلام ؟؟ سلام ايه يا ريس اللي سينا فيه منروعة السلاح وممكن في ساعتين نلاقيهم في القاهرة .. بجد قولي خايف من ايه ؟؟ هما العالم دي كاسرة عينك بحاجه ؟؟ قول متتكسفش
الشهادة لله يا ريس انت من ساعة ما مسكت البلد دي ودخلت علينا بالشويتين بتوعك والحندل والمندل والتنكيت ابو دم تقيل وانت ساقينا المر ومجوع بلدنا
من اول ما قلت زمان اربطوا الحزام وبدمك البايخ تقول ( خفوا بالليل شوية ) اللي تقصد بيه تحديد النسل علشان بنزيد مش عارف كام .. طب نورت المحكمه يا ريس !!
انا مش عارف السكان مضايقينك في ايه ؟؟ المشكله يا ريس مش في السكان المشكله فيك وفي العصابات بتاعتك اللي طالعة نازله تنهش في لحمنا الحي وترجع تقول السكان السكان .. طب يا سيدي نموتهملك علشان ترتاح !!
تعالى بأه نشوف الخيبة التقيله ياريس الطوارئ اللي جيت في ظرف طارئ وبتحكم بقانون طوارئ
حد يا راجل يحكم ربع قرن ؟؟ وتحكم بقوانين عرفيه طول الزمن ده ؟ ده ولا في الحواديت يا ريس مهي مصرنا ام الدنيا فيها العجب .
طيب تيجي نمر يا ريس على إحصائية بسيطة عن دم المصريين اللي ملا الدنيا أرضاً وجواً وبحراً في عهدك الميمون ؟؟؟ لو مسكت صفحة الحوادث يا محترم ورصدت إحصائيات الأموات على الأسفلت (أرضاً) في عهدك تلاقيه يفوق عدد أي ميتين في أي بلد نايم مش نامي .. يعني يجيلك كده عشرة عشرين خمسين في اليوم ميتين في حوادث تصادم ودهس وبلى أزرق من جرايم العصابات بتاعتك في الطرق السريعه
يعني لو حسبتها كده مع الرأفة وقلنا كل يوم ثلاثين ميت في الطرق والأسفلت وتحويلات القطارات اللي بتدخل بيوت الناس بدال المحطه وخلافه يبقى عندنا ما يقارب 300000 نسمة من أولاد مصر ماتوا على الأسفلت يا ريس في عهدك اللي مش ميمون واصل .... طيب ده لو عدينا قطار الصعيد والآلاف اللي راحوا في العبارات بتاعة السلام من سالم إكسبريس للسلام 98 لما خفي كان أعظم وضيف عليهم كمان اللي راحوا من خيرة شبابنا في الجو والطيارات اللي عمال تقع من غير ما حد يسأل ... يعني ياريس انت موتت ييجي مليون وشويه
ده غير العساكر الغلابه اللي الصهاينه بتموتهم على الحدود وانت مطرمخ عالموضوع .. مهم شوية عساكر فلاحين ملهومش لازمة ..
طب خلينا في الصاحيين وبلاش الميتين .. الجرايد بتاعتك بتقول ان ييجي 100 مليون فرصة عمل اتوزعن على الشباب من يوم ما مسكت الحكم .. يا فرحتي ... ولاد مصر كلهم شغالين وزي الفل .. انا عاوز اي حد يا ريس يعد فرص العمل اللي انت وفرتها للشباب في اي جرنال من بتوعك خلال 6 شهور فاتت بس والكل هيعرف انك لامؤاخذه نصاب .. الخيبة اللي عندنا دي جت منين يا ريس ؟؟ 30 مليون عاطل و15 مليون عانس جم منين ؟؟
بلاش تتنح كده والنبي وحاول تفهمني
نسيت اسألك يا ريس .. الحراميه اللي انت معينهم في البلد من محافطين ورؤساء مجالس مدن وغيره معينهم ليه ؟؟ هتقولي انت مالك ومال الحراميه ؟؟ انا هفهمك يا ريس .. مهو السيستم بتاع بلدنا ان لو الريس مش هيسرق فإبنه فيه الخير والبركة لو ابن الريس سرق مليون على قد حاله يجيب بيه بونبون وشكولاته يبقى هيتسرق قصاده مليون المليون بعدد ولاد الحرام اللي شافوا السرقه .
حاجه اخيرة يا ريس .. الناس المعتقلين علشان بيقولوا لأ بطريقة سلميه دول معتقلين ليه ؟؟ يعني لو مسكوا سلاح وكسروا في البلد هتقول عليهم ارهابيين ولو احترموا نفسهم ورفعوا مجرد يفط تعتقلهم .. انت خايف منهم يا ريس ؟؟ يعني شوية عيال عواطليه رافعين كام يفطه هما دول اللي هيقلبوا نظام الحكم ؟؟
شوف يا ريس مصر .. اوعى تفتكر اننا خايفين .. خلاص بطلنا نخاف .. هنخاف من ايه ؟؟
مهو كده كده هنموت الموت علينا حق .. حتى انت برضو هتموت .. محدش مخلد يا ريس .. كلاب الداخلية بتوعك مبنخافش منهم .. هنخاف من ايه تاني ؟؟
المعتقل ؟؟ مهو احنا برضو معتقلين .. جوة المعتقل في حارس ومأمور وبرة في انت وحكومتك .. مش هتفرق كتير ..
كفاية عليك 26 سنه ظلم وقهر وسرقه وكدب ودم راح بسببك .. اعمل حاجه لاخرتك ..
في الاخر متنساش انك هتقابل اللي متقدرش تصدر امر باعتقاله ويراعى له التجديد .. في الاخر هتقابل الحي القيوم مالك الملك
امضاء
مواطن مصري عربي مش فارقه معاه/right]