بشار
11-01-2003, 14:40
عندما يسألني الحزن، أين محطات الفرح؟. . . آخذه لعينيك.
عيونك
خبريني عن عيونك شو بقدر قول؟
هنّي اللآلئ؟
لأ، عيونك من اللولو أغلى
هنّي الشواطئ؟
لأ، عيونك من دهب الشواطئ أحلى
هنّي النجوم؟ هنّي القمر؟
لأ، بخاف القمر، يطوّل علينا السهر
ويتعبوا عيونك. . . .
هنّي البحر؟ يمّا السحر؟
يمّا جنّات العطر؟
هنّي الهوا؟ يمّا الدوا؟
يمّا الجمر القلبي كوا؟
يمّا العبير؟
يمّا المي. . . بتغفى بقلب الغدير؟
يمّا شراع ببحر النوى؟. . . . .
هنّي الشباب يمّا العذاب؟
هنّي وهم يمّا سراب؟
هنّي الجمال يمّا الخيال؟
هنّي الغنج يمّا الدلال؟
يمّا لمحة أمل كذاب؟. . . . .
عيونك عمر الهنا ولا عطر؟
يمّا قصيدة شعر غنيتا أنا؟
هنّي صمت يمّا عِبَر؟
هنّي شمس يمّا مطر؟
لأ!، بخاف المطر يتحوّل لدمعات
أو لبحر بلون السفر. . . .
تبقي بعتي لعيونك نتفة صور
حتى بليل العتم الطويل
إتأمّل عيونك،
لمّا ينام الصهيل
ويختفي جنونك،
وقلّك تصبحي عا نور
وعا رفّ من الطيور،
تيناموا جفونك
وينطفي القنديل. . . . .
عيونك
خبريني عن عيونك شو بقدر قول؟
هنّي اللآلئ؟
لأ، عيونك من اللولو أغلى
هنّي الشواطئ؟
لأ، عيونك من دهب الشواطئ أحلى
هنّي النجوم؟ هنّي القمر؟
لأ، بخاف القمر، يطوّل علينا السهر
ويتعبوا عيونك. . . .
هنّي البحر؟ يمّا السحر؟
يمّا جنّات العطر؟
هنّي الهوا؟ يمّا الدوا؟
يمّا الجمر القلبي كوا؟
يمّا العبير؟
يمّا المي. . . بتغفى بقلب الغدير؟
يمّا شراع ببحر النوى؟. . . . .
هنّي الشباب يمّا العذاب؟
هنّي وهم يمّا سراب؟
هنّي الجمال يمّا الخيال؟
هنّي الغنج يمّا الدلال؟
يمّا لمحة أمل كذاب؟. . . . .
عيونك عمر الهنا ولا عطر؟
يمّا قصيدة شعر غنيتا أنا؟
هنّي صمت يمّا عِبَر؟
هنّي شمس يمّا مطر؟
لأ!، بخاف المطر يتحوّل لدمعات
أو لبحر بلون السفر. . . .
تبقي بعتي لعيونك نتفة صور
حتى بليل العتم الطويل
إتأمّل عيونك،
لمّا ينام الصهيل
ويختفي جنونك،
وقلّك تصبحي عا نور
وعا رفّ من الطيور،
تيناموا جفونك
وينطفي القنديل. . . . .