Salamat
03-01-2006, 06:37
http://hawadeth.akhbarelyom.org.uk/issues/717/images/105.jpg
الشعب المصري زهق من الحكاية اللي بتطلع علي المصريين كل يوم والتاني زي العفريت. تقوم الدنيا وما تقعدهاش. حكاية الفتنة الطائفية. وحكاية إن المسلمين والمسيحيين لابدين لبعض في الذرة. كل فئة راصدة أي خطأ ولو صغير. وتفضل تنفخ فيه وتولع نار الكراهية. بالحق وبالباطل!
الشعب المصري زهق من نظرية المؤامرة المتبادلة بين المسلمين والمسيحيين. وتصوير المواضيع غلط من الناحيتين. المسلمين فاكرين الأقباط بيخططوا عشان يستولوا علي مصر في الضلمة. والمسيحيين بيتهيألهم ان المسلمين وحوش كاسرة. لو طالوا ياكلوهم بأسنانهم يعملوها.
الشعب المصري زهق من كتر ترديد الأقباط انهم أقلية مضطهدة في مصر. مع انهم أول ناس عارفين ان الكلام ده غلط. وان الأقباط واخدين حقهم ونص. في الدولة وغيرها. وان أكبر رجال أعمال في مصر أقباط. وأكبر قوة اقتصادية في مصر قوامها أقباط. ولو وقعت طوبة من سور كنيسة قديمة تتهد الدنيا. ولسه بيقولوا الأقباط في مصر مضطهدين!
الشعب المصري زهق من عقليات بعض الشيوخ المسلمين. اللي أفكارهم مالهاش علاقة من قريب أو بعيد بالاسلام. وكل ما يسمعوا اسم المسيحية أو المسيحيين يتشنجوا. ويفتوا بالباطل. وتولع حريقة!
الشعب المصري زهق من أسلوب الدولة في مواجهة أي مشكلة بين المسلمين والأقباط. خوف مالوش داعي وتردد مالوش لازمة. مع إن الأمور واضحة زي الشمس لدول ودجول.
وكل ما تحصل مشكلة تافهة. تبقي مسئولية أمن الدولة. مع إن دي موش شغلته ولا تخصصه. دي شغلانة ناس تانية. مسئولين عن المسلمين والمسيحيين.
لكن عمرنا ما سمعنا انه حصلت مشكلة. ونزل شيخ الأزهر والبابا شنودة مع بعض في العلن. قدام الميكروفونات والكاميرات وكل واحد كلم الطرف اللي يخصه. وفهم منه وفهمه الصح والغلط. لكن مولانا وسيدنا ودن من طين وودن من عجين. ويسيبوا الأمور تكبر والدنيا تولع. وفي الآخر يطلع كل واحد من الاتنين. بكلمتين لايبلعوا ريق ولايحلوا مشكلة!
الشعب المصري زهق من الجماعة الأقباط بتوع بره. اللي شغالين ليل نهار. تشويه ومبالغة وافتراءات. لما خلوا اسم مصر في الطين!
الشعب المصري زهق من مكر بعض الأقباط وغباء بعض المسلمين. فيها ايه لما واحد وإلا واحدة من هنا أو هناك يفكر يغير دينه. موش فيه حاجة في الدنيا اسمها حرية العقيدة؟
ويعني حايزيد ايه المسلمين لو زاد عليهم مسيحي وإلا مسيحية؟ ده المسلمين واخدين علي قفاهم في كل حتة في الدنيا. بهدلة وسجون ومعاملة زفت!
وحا تنقص ايه المسيحية لو خرج منها مسيحي. وحاتزيد ايه لو استنصر مسلم؟ ولا المسلمين ولا المسيحيين دريانين باللي بيخططوه اليهود للاسلام والمسيحية. وده كلام موش من عندي واسألوا التقارير السرية اللي عند الأمريكان عن الحكاية دي!
الشعب المصري زهق وفاض به وقرف آخر قرف من الكلام الفاضي ده. إحنا في ايه والا في ايه؟ انتم عارفين بكرة حاتاكلوا ايه والاحاتعيشوا ازاي. في العالم الهمجي المفتري ده. اللي مابقاش فيه مكان لضعيف أو متأخر أو أهبل. واحنا بقينا التلاتة مع بعض؟!
الشعب المصري زهق منكم ياشيوخ وياقساوسة. ومالوش دعوة باللي بيحصل ده.
لان الموضوع اكبر بكتير من اللى احنا شايفينة او بيحصل
والايدى الخفية التى تلعب بعقول المتخلفين من ناقصى الوعى والثقافة وقبلها الدين لن تهدئ ابدا ولن تنام
الا عندما تسحبنا الى ما لا نتمناة او يتمناة اى عاقل رغما عنة
فالحظر كل الحظر من المخططات التى تحاك لنا كمصريين
والله العظيم حاتخرجونا من أدياننا
هل انتم معى فى الكلام دة ولا لكم رأى تانى ?????
يا ريت نعرف رأيكم يا اخوتى واخواتى
الشعب المصري زهق من الحكاية اللي بتطلع علي المصريين كل يوم والتاني زي العفريت. تقوم الدنيا وما تقعدهاش. حكاية الفتنة الطائفية. وحكاية إن المسلمين والمسيحيين لابدين لبعض في الذرة. كل فئة راصدة أي خطأ ولو صغير. وتفضل تنفخ فيه وتولع نار الكراهية. بالحق وبالباطل!
الشعب المصري زهق من نظرية المؤامرة المتبادلة بين المسلمين والمسيحيين. وتصوير المواضيع غلط من الناحيتين. المسلمين فاكرين الأقباط بيخططوا عشان يستولوا علي مصر في الضلمة. والمسيحيين بيتهيألهم ان المسلمين وحوش كاسرة. لو طالوا ياكلوهم بأسنانهم يعملوها.
الشعب المصري زهق من كتر ترديد الأقباط انهم أقلية مضطهدة في مصر. مع انهم أول ناس عارفين ان الكلام ده غلط. وان الأقباط واخدين حقهم ونص. في الدولة وغيرها. وان أكبر رجال أعمال في مصر أقباط. وأكبر قوة اقتصادية في مصر قوامها أقباط. ولو وقعت طوبة من سور كنيسة قديمة تتهد الدنيا. ولسه بيقولوا الأقباط في مصر مضطهدين!
الشعب المصري زهق من عقليات بعض الشيوخ المسلمين. اللي أفكارهم مالهاش علاقة من قريب أو بعيد بالاسلام. وكل ما يسمعوا اسم المسيحية أو المسيحيين يتشنجوا. ويفتوا بالباطل. وتولع حريقة!
الشعب المصري زهق من أسلوب الدولة في مواجهة أي مشكلة بين المسلمين والأقباط. خوف مالوش داعي وتردد مالوش لازمة. مع إن الأمور واضحة زي الشمس لدول ودجول.
وكل ما تحصل مشكلة تافهة. تبقي مسئولية أمن الدولة. مع إن دي موش شغلته ولا تخصصه. دي شغلانة ناس تانية. مسئولين عن المسلمين والمسيحيين.
لكن عمرنا ما سمعنا انه حصلت مشكلة. ونزل شيخ الأزهر والبابا شنودة مع بعض في العلن. قدام الميكروفونات والكاميرات وكل واحد كلم الطرف اللي يخصه. وفهم منه وفهمه الصح والغلط. لكن مولانا وسيدنا ودن من طين وودن من عجين. ويسيبوا الأمور تكبر والدنيا تولع. وفي الآخر يطلع كل واحد من الاتنين. بكلمتين لايبلعوا ريق ولايحلوا مشكلة!
الشعب المصري زهق من الجماعة الأقباط بتوع بره. اللي شغالين ليل نهار. تشويه ومبالغة وافتراءات. لما خلوا اسم مصر في الطين!
الشعب المصري زهق من مكر بعض الأقباط وغباء بعض المسلمين. فيها ايه لما واحد وإلا واحدة من هنا أو هناك يفكر يغير دينه. موش فيه حاجة في الدنيا اسمها حرية العقيدة؟
ويعني حايزيد ايه المسلمين لو زاد عليهم مسيحي وإلا مسيحية؟ ده المسلمين واخدين علي قفاهم في كل حتة في الدنيا. بهدلة وسجون ومعاملة زفت!
وحا تنقص ايه المسيحية لو خرج منها مسيحي. وحاتزيد ايه لو استنصر مسلم؟ ولا المسلمين ولا المسيحيين دريانين باللي بيخططوه اليهود للاسلام والمسيحية. وده كلام موش من عندي واسألوا التقارير السرية اللي عند الأمريكان عن الحكاية دي!
الشعب المصري زهق وفاض به وقرف آخر قرف من الكلام الفاضي ده. إحنا في ايه والا في ايه؟ انتم عارفين بكرة حاتاكلوا ايه والاحاتعيشوا ازاي. في العالم الهمجي المفتري ده. اللي مابقاش فيه مكان لضعيف أو متأخر أو أهبل. واحنا بقينا التلاتة مع بعض؟!
الشعب المصري زهق منكم ياشيوخ وياقساوسة. ومالوش دعوة باللي بيحصل ده.
لان الموضوع اكبر بكتير من اللى احنا شايفينة او بيحصل
والايدى الخفية التى تلعب بعقول المتخلفين من ناقصى الوعى والثقافة وقبلها الدين لن تهدئ ابدا ولن تنام
الا عندما تسحبنا الى ما لا نتمناة او يتمناة اى عاقل رغما عنة
فالحظر كل الحظر من المخططات التى تحاك لنا كمصريين
والله العظيم حاتخرجونا من أدياننا
هل انتم معى فى الكلام دة ولا لكم رأى تانى ?????
يا ريت نعرف رأيكم يا اخوتى واخواتى